Ivanka Khristova

Ivanka Khristova (19. november 1941–24. februar 2022) var ein bulgarsk tidlegare friidrettsutøvar frå Oskovitsa som tevla i kulestøyt. Ho vann gullmedaljen i øvinga i OL 1976, og bronsen i OL 1972.

Ivanka Khristova
Statsborgarskap	Bulgaria
Fødd	19. november 1941 Osikovitsa
Død	24. februar 2022 (80 år) Bulgaria
Idrett	friidrett
Tok del i	Sommar-OL 1976, Sommar-OL 1972
Utmerkingar	Sosialistisk arbeidshelt

Khristova vart nummer seks i kuletevlinga under Sommar-OL 1968. Året etter kom ho på fjerdeplass i friidretts-EM, etter å sett bulgarsk rekord med 18,04 meter. Ved sommarleikane 1972 tok Khristova bronsemedaljen med 19,35 meter, langt bak sølvvinnar Margitta Gummel frå Aust-Tyskland.

I byrjinga av juli 1976 sette Khristova verdsrekord i kulestøyt med 21,87 m, ein rekord ho straks forbetra til 21,89 m. Den 26. juli tok Helena Fibingerová frå Tsjekkoslovakia over rekorden med eit støyt på 21,99 m. Fem dagar seinare var det klart for OL-finale i kvinnene si kuletevling i kanadiske Montreal. Her leia Nadesjda Tsjisjova frå Sovjetunionen tevlinga til og med fjerde omgang. I femte omgang tok Khristova leiinga med eit støyt på 21,16 m, ei liing som heldt seg til tevlinga var over.

Medaljar og plasseringar i internasjonale meisterskap

• OL 1964 i Tokyo: Nr 10 - 15,69 m
• OL 1968 i Mexico by: Nr 6 - 17,25 m
• EM 1969 i Aten: Nr 4 - 18,04 m
• EM 1971 i Helsinki: Nr 6 - 17,78 m
• OL 1972 i München: Bronsemedallje - 19,35 m
• EM 1974 i Roma: Nr 4 - 19,17 m
• OL 1976 i Montreal: Gullmedalje - 21,16 m, framom Nadesjda Tsjisjova (20,96 m)

Kjelder

• Denne artikkelen bygger på «Iwanka Christowa» frå Wikipedia på tysk, den 12. august 2016.