Johan Henrik Frøstrup

Johan Henrik Kintzell Frøstrup (11. desember 1852–20. mai 1929) var ein norsk jurist, embetsmann, stortingsrepresentant og ordførar i Arendal.

Johan Henrik Frøstrup
Statsborgarskap	Noreg
Fødd	11. desember 1852
Død	20. mai 1929 (76 år)
Yrke	politikar, dommar
Språk	norsk
Politisk parti	Høgre

Frøstrup var fødd i Barbu, far hans var fut. Han vart student i 1870 og cand. jur. i 1874. Han var deretter fullmektig hos sorenskrivar, frå 1877 var han overrettssakførar i Arendal. Fram til 1902 dreiv han sakførarpraksisen, sidan var han byfut i Skien.

Han var ordførar i Arendal frå 1899-1901. Styreformann i Arendals sjøforsikringsselskap og i representantskapet for Nedenes sparebank.

Perioden 1900-03 var Frøstrup stortingsrepresentant for Høgre frå valkrinsen Arendal og Grimstad. På Stortinget var han medlem av justiskomiteen og sekretær i sjødugleikskomiteen.

Frøstrup vart gravlagd på Gjerpen kyrkjegard.

Kjelder

• Lindstøl, Tallak: Stortinget og Statsraadet 1814-1914. Kristiania, 1914