Kåre Kristiansen

Kåre Gulbrand Kristiansen (fødd 11. mars 1920 i Bergen, død 3. desember 2005) var ein norsk politikar for Kristeleg folkeparti (KrF). Han var ein markant politikar i nærare 40 år. Han la vekt på kristendom, samarbeid og framhjelp av staten Israel, abortmotstand og norsk medlemskap i EU.

Kåre Kristiansen
Kåre Kristiansen i 2004 Foto: Tore Schrøder
Fødd	11. mars 1920 Bergen
Død	3. desember 2005 (85 år)
Statsborgar av	Noreg
Parti	Kristeleg Folkeparti
Yrke	politikar
Institusjonar	Noregs Statsbanar
Medlem	Europarådets parlamentarikerforsamling
Alle verv	statssekretær (Sosialdepartementet, 1965–1968) stortingsrepresentant (1973–1977) Norsk olje- og energiminister (1983–1986) varamedlem i Europarådets parlamentariske forsamling (1976–1977) vararepresentant til Stortinget (1969–1973) stortingsrepresentant (1981–1985) stortingsrepresentant (1985–1989) stortingsrepresentant (fast møtende vararepresentant, 1969–1971) partileiar (Kristeleg Folkeparti, 1975–1977) partileiar (Kristeleg Folkeparti, 1979–1983)

Kristiansen stod mellom anna sentralt i gjennomføringa av folketrygda i 1967, då han var statssekretær i Sosialdepartementet for Egil Aarvik.

Han vart av mange oppfatta som ein representant for høgresida i partiet. I 1989 trekte han seg som stortingsrepresentant. Grunngjevinga var at KrF hadde fjerna seg frå sin gamle kurs.

Kristiansen var motstandar av fjerninga av israelske busetjarar frå Gazastripa.

Yrkeskarriere

Kristiansen starta yrkeskarrieren som telegrafist i Noregs Statsbaner i 1941. Han avanserte til å verta jernbanedirektør 1968-1970, driftsdirektør 1970–1989 og spesialrådgjevar 1989-1990.

Politisk karriere

• Statssekretær i Sosialdepartementet 1965-1968.

• Stortingsrepresentant for Kristeleg Folkeparti (Oslo) 1973-1977 og 1981-1989.

• • Formann i utanriks- og konstitusjonskomiteen på Stortinget 1981-1983

• Statsråd med ansvar for Olje- og energidepartementet i Regjeringa Willoch 1983—1986

• Medlem av Nesodden kommunestyre og formannskap 1951-1967 og 1991-1995.

• Formann i Kristeleg Folkeparti 1975-1977 og 1979-1983. Etter ein intern partistrid om mellom anna samarbeidet med Høgre, vart han i 1983 pressa til å trekkja seg frå vervet som partileiar. Han byta verv med Kjell Magne Bondevik.

Andre sentrale verv

• Medlem av Nobelkomiteen 1990—1994. Kristiansen gjekk ut av komiteen i protest mot at Yasir Arafat vart tildelt Nobels Fredspris.

Bibliografi

• Kåre Kristiansen: Når sant skal sies: På politikkens hovedspor og sidelinjer gjennom 50 år, Oslo 1989. ISBN 82-516-1282-9, ISBN 82-520-3126-9
• Kåre Kristiansen: Stå på, Kåre K.!, Oslo 1990 ISBN 82-516-1351-5

Bakgrunnsstoff

• «Kåre Kristiansen». Stortinget.no.