Kari Stai
Kari Stai (fødd 14. august 1974)[1] er ein norsk illustratør, biletkunstnar, grafisk designar og barnebokforfattar.[2]
| Kari Stai | |
 | |
| Nasjonalitet | Norsk |
| Statsborgarskap | Noreg |
| Fødd | 14. august 1974 (50 år) |
| Yrke | Illustratør, forfattar, biletkunstnar |
| Periode | 2008- |
| Sjanger | Barnelitteratur |
| Debut | Jakob og Neikob |
| Nettstad | karistai.no |
| Kari Stai på Commons | |
Bakgrunn og arbeid
endre|
... har ho laga ei nyskapande og flott bok som på same tid er lett å bruke og som tek opp ei allmennmenneskeleg utfordring. Illustrasjonane fyller heile sidene med reine linjer, sterke fargar og sterkt stiliserte uttrykk. |
Kari Stai kjem frå Inderøy kommune i Nord-Trøndelag.[2] Ho har studert ved Høgskolen i Telemark (1996-1999), Oslo Tegne- og Maleskole (1993-1996) og Kunsthøgskolen i Oslo (2000-2005) der ho tok hovudfag i visuell kommunikasjon. Ho har sidan særleg arbeidd med illustrasjon i tidsskrift og bøker. I 2008 debuterte ho som forfattar med biletboka Jakob og Neikob, «ei humoristisk og surrealistisk forteljing om vennskap, uvennskap og utlandet».[4] I 2010 kom Blodrik og Blodfabrikken. Båe bøkene er skrivne på nynorsk og gjevne ut på Det Norske Samlaget. Illustrasjonane er prega av klåre linjer, jamne flater i få, avstemte fargar, stiliserte figurar, geometriske former og eit grafisk uttrykk.
Ho er medlem av NBK, Tegnerforbundet og Grafill, og er kjøpt inn av Nasjonalbiblioteket, Nils Aas Kunstverksted og Inderøy Kunstforening.
Stai er gift med illustratøren og gallerileiaren Henning Lystad. Dei er busette på Straumen i Inderøy. Kari Stai var med i illustratørfellesskapet Patron i Oslo frå 2005 til 2009.
Bokutgjevingar
endreBarnebøker med eigen tekst
endre- 2008: Jakob og Neikob - biletbok
- 2010: Blodrik og Blodfabrikken - biletbok
- 2011: Mopp og Mikko elskar mat - peikebok
- 2011: Mopp og Mikko elskar ting - peikebok
- 2011: Mopp og Mikko elskar kjøretøy - peikebok
- 2011: Mopp og Mikko elskar dyr - peikebok
- 2012: Jakob og Neikob : tjuven slår tilbake - biletbok
Prisar og utmerkingar
endre- 2004–2007: Gull og diplom i Visuelt-konkurransen
- 2008: Inderøy Mållags målpris[2]
- 2009: Kulturdepartementets debutantpris for barnebøker frå 2008 for Jakob og Neikob[2]
- 2009: Diplom i Årets vakreste Bøker
- 2012: Brageprisen for Jakob og Neikob : tjuven slår tilbake[5]
- 2012: Kritikarprisen for Jakob og Neikob : tjuven slår tilbake[6][7]
- 2016: Nord-Trøndelag fylkes kulturpris[8]
- 2018: Festivalforfattar for Falturiltu-festivalen[9]
Referansar
endre- Denne artikkelen bygger på «Kari Stai» frå Wikipedia på bokmål, den 11. november 2012.
- ↑ «Kari Stai (14.08.1974)». forfatterkatalogen.no. Henta 11. november 2012.
- ↑ 2,0 2,1 2,2 2,3 «Kari Stai». Nettstaden til Samlaget. Henta 11. november 2012.
- ↑ Bokmelding av Jakob og Neikob på Nynorskbok.no i 2008
- ↑ Det norske samlaget om Jakob og Neikob 2008
- ↑ Tone Staude (28. november 2012). ««Årets vinnere av Brageprisen»». nrk.no. Henta 28. november 2012.
- ↑ Tone Staude (7. mars 2013). ««Personlig Hjorth og sakprosa om Utøya fikk kritikerpris»». nrk.no. Henta 7. mars 2013.
- ↑ ««Litteraturkritikerprisene 2012»». Nettstaden til Kritikerlaget. 7. mars 2013. Henta 7. mars 2013.
- ↑ Fylkets kulturpris går til Kari Stai Arkivert 2016-12-09 ved Wayback Machine.; Trønder-Avisa, 6.12.2016
- ↑ Festivalforfattarar