Katalin Novák
Katalin Éva Novák[1] (fødd 6. september 1977) er ein ungarsk politikar for partiet Fidesz. Novák var den fyrste kvinnelege presidenten i Ungarn, ho styrte i perioden frå 10. mai 2022 til 26. februar 2024.
| Katalin Novák | |||
.jpg) | |||
| Fødd | 6. september 1977 (47 år) Szeged | ||
|---|---|---|---|
| Statsborgar av | Ungarn | ||
| Parti | Fidesz | ||
| Yrke | politikar, jurist, samfunnsøkonom | ||
| Utdanna ved | University of Szeged Université Paris-Nanterre Corvinus-universitetet i Budapest SZTE Gyakorló Gimnázium és Általános Iskola | ||
| Alle verv |
| ||
Utdanning
endreNovák er fødd i Szeged. Etter å ha fullført vidaregåande utdanning ved SZTE Ságvári Endre Gyakorló Gimnáziumban i fødebyen i 1996, studerte ho økonomi ved Corvinus-universitetet i Budapest og juss ved Universitetet i Szeged. Ho har også studert i utlandet ved Université Paris X: Nanterre. I tillegg til ungarsk talar Novák fransk, engelsk og tysk.[2]
Politisk karriere
endreNovák byrja å arbeide i utanriksdepartementet i 2001, der ho spesialiserte seg i EU- og europeiske saker. I 2010 blei ho ministerrådgjevar i same departement og i 2012 kabinettsjef i Departementet for offentlege tenester.[2]
I 2014 blei Novák 2014 statssekretær for familie- og ungdomssaker i Departementet for menneskelege ressursar og var familieminister oktober 2020–desember 2021.
Novák var visepresidenten til Fidesz i 2017–2021.[3]
Statsminister Viktor Orbán kunngjorde 21. desember 2021 at Novák ville bli hans kandidat under presidentvalet i 2022.[4] Ho vann valet 10. mars 2022 gjennom å få 137 av 188 røyster i parlamentet.[5] Ho gjekk av som president etter ei kontroversiell benåding av ein mann dømd for å ha dekka over ei sak om seksuelle overgrep mot barn.[6][7][8]
Privatliv
endreKatalin Novák er gift og har tre barn. Ektemannen er økonomen István Veres, som har ei direktørstilling i den ungarske sentralbanken.[9]
Internasjonale utmerkingar
endreI 2019 blei Novák dame av den franske Æreslegionen[10] og i 2020 kommandør av Republikken Polens fortenestorden.[11]
Kjelder
endre- ↑ «EMMIvezetők elérhetősége» (PDF) (på ungarsk). Magyarország Kormánya. s. 8. Arkivert frå originalen (PDF) 26. mai 2021.
- ↑ 2,0 2,1 «Biografi» (PDF). Országgyűlés. Arkivert frå originalen (PDF) 30. september 2021.
- ↑ Csuhaj, Ildikó (5. oktober 2021). «Novák Katalin bejelentette: Nem indul a Fidesz alelnöki posztjáért» (på ungarsk). ATV. Arkivert frå originalen 14. mai 2022.
- ↑ Tóth-Szenesi, Attila (21. desember 2021). «Novák Katalin lesz a Fidesz államfőjelöltje». telex.no (på ungarsk). Arkivert frå originalen 22. desember 2021.
- ↑ «'Nejdůležitější jsou pro mě rodiny a děti.' Maďarsko má novou prezidentku Katalin Novákovou» (på tsjekkisk). iROZHLAS. 10. mars 2022. Arkivert frå originalen 21. april 2022.
- ↑ Nick Thorpe. «Hungarian President Katalin Novak resigns over child-abuse pardon scandal» (på engelsk). BBC. Henta 6. mars 2024.
- ↑ Preben Brækstad. «Ungarns president går av» (på norsk bokmål). Verdens gang. Henta 6. mars 2024.
- ↑ «Elfogadta a parlament Novák Katalin köztársasági elnök lemondását» (på ungarsk). Infostart. Henta 6. mars 2024.
- ↑ «The President's husband – Hungary gets its first ever first gentleman» (på engelsk). telex.hu. 12. mai 2022. Arkivert frå originalen 12. mai 2022.
- ↑ «Une proche d'Orban reçoit la Légion d'honneur». Le Monde (på fransk). 31. januar 2019. Arkivert frå originalen 7. februar 2019.
- ↑ «Nadanie orderów». Prawo.pl (på polsk). Arkivert frå originalen 15. januar 2020.
- Denne artikkelen bygger på «Katalin Novák» frå Wikipedia på bokmål, den 6. mars 2024.