Kirsten Bråten Berg

	Kirsten Bråten Berg
	;
Fødd	7. januar 1950 (74 år)
Fødestad	Arendal
Opphav	Noreg
Sjanger	folkemusikk
Instrument	vokal, Munnharpe
Plateselskap	Grappa
Verka som	songar
Prisar	Spellemannprisen for årets barneplate, Aust-Agder fylkeskulturpris, Hilmarprisen, Radka Toneff Minnepris, Spellemannprisen i folkemusikk/gammeldans, riddar av St. Olavs Orden

Kirsten Marie Bråten Berg (fødd 7. januar 1950) er ein norsk songar, best kjend som folkemusikar, og sølvsmed. Ho er saman med Hallvard T. Bjørgum rekna som ein fornyar av norsk folkemusikk.

Bakgrunn

Kirsten Bråten vart fødd i Arendal. Ho kom frå ein musikalsk familie, faren var bygdespelemann. Ho var med i eit visesongmiljø i heimbyen, men interesserte seg også for folkemusikk. I 1970 drog ho til Oslo og blei folkedansinstruktør i Noregs Ungdomslag. Her kom ho med i folkemusikkmiljøet rundt Club 7.

I Oslo fekk Kirsten Bråten også augo opp for sølvsmedyrket. Ho tok seg jobb i gullsmedfirmaet David-Andersen og studerte eitt år på gullsmedlina på Oslo Yrkesskole. Deretter gjekk ho i lære hjå sølvsmeden Torleiv H. Bjørgum frå Rysstad i Setesdal, som også var spelemann. Berg tok sveinebrev i 1976 og meisterbrev som gullsmed i 1986.

Musikkarriere

I 1977 vart ho gift med Bjørgulv N. Berg, ein gardbrukar frå Rysstad i Valle kommune i Setesdal. Her var eit aktivt folkemusikkliv, der Kirsten Bråten Berg møtte kvedarar som Tarjei og Gro Heddi Brokke og musikarane Gunnar Stubseid og Hallvard T. Bjørgum. Ho blei med i gruppa Slinkombas, og gav også ut soloplater.

Berg vart utnemnd til Riddar av 1. klasse av Den Kongelege Norske St. Olavs Orden for innsatsen sin som kunstnar og kulturformidlar i 2005. I 2008 vart ho medlem av Agder Vitskapsakademi.

Utgjevingar

Slinkombas (1979, Grappa Musikkforlag) med Slinkombas
Kirsten Bråten Berg (1980, Grappa Musikkforlag)
...og bas igjen (1982, Grappa Musikkforlag) med Slinkombas
SetesDalarna (1984, Four Leaf Clover Records), med Per Gudmundsson, Maria Röjas, Bjorn Stabi og Gunnar Stubseid
Min kvedarlund (1988, Grappa Musikkforlag)
Joletid (1991, Norsk Plateproduksjon) med Hallvard T. Bjørgum
Sagn (1992, Kirkelig Kulturverksted, 1991 EMI Records), komponert av Arild Andersen
Våre beste barnesanger 2 (1993, Egmont Serieforlag)
Cohen på norsk (1993, Kirkelig Kulturverksted)
Arv (1993, Kirkelig Kulturverksted), komponert av Arild Andersen
Suede et Norvège: Musique Des Vallées Scandinaves (1993, Ocora)
Pilgrimen (1996, Grappa Musikkforlag) med Jan Erik Pettersen og Paal-Helge Haugen
Frå Senegal til Setesdal (1997, Grappa Musikkforlag; 2000, Six Degrees Records)
Smak av himmel, spor av jord (1999, Grappa Musikkforlag), med diverse andre artistar
Min kvedarlund (1999, Grappa Musikkforlag)
Runarstreng (1999, Grappa Musikkforlag)
Syng du mi røyst (2001, Grappa Musikkforlag)
Stemmenes skygge (2005, Grappa Musikkforlag)
Stev for dagen (2007, Grappa Musikkforlag), med Astri Rysstad og Kari Rolfsen
Barnesangskatten (2008, Egmont Serieforlag), med diverse andre artistar
Songen (2010, Grappa Musikkforlag)

Prisar

Aust-Agder fylkes kulturpris 1982
Valle kommunes kulturpris 2007
Vinnar Landskappleiken kveding 1983 og 1987, siste gongen også kongepokalvinnar.
Rolf Gammleng-prisen 1991
Sagaprisen (Arendal) 1992
Siliusprisen frå Fædrelandsvennen 1993
Radka Toneffs minnepris 1997
Rff-prisen 2001
Polarstjerneordenen 2004
Æresmedlem i Landslaget for Spelemenn 2005
Spellemannprisen
- 1979 for Slinkombas saman med Hallvard T. Bjørgum, Gunnar Stubseid og Tellef Kvifte i klassen folkemusikk/gamaldans
- 1988 for Min kvedarlund i klassen folkemusikk/gammeldans.
- 1993 for Våre beste barnesanger 2 saman med Bukkene Bruse, Geirr Lystrup og Anne Kari Hårnes i klassen barneplate.
Utnemnd til statsstipendiat frå 2011.

Kjelder

Opphavleg omsett frå Wikipedia på bokmål, innhenta måndag 4. januar 2010, klokka 09:16.
Bitustøyl, Kjell, Kirsten Bråten Berg i Norsk Biografisk Leksikon

Bakgrunnsstoff

Kirsten Bråten Bergs heimeside
Side hos Musikkinformasjonssenteret MIC Arkivert 2006-12-01 ved Wayback Machine.
Kirsten Bråten Berg ved myspace.com