Kjell Inge Røkke
Kjell Inge Røkke (fødd 25. oktober 1958 i Molde) er ein norsk finansmann og ein av dei rikaste i Noreg. Han eig holdingselskapet TRG Holding, som er største aksjonær i det børsnoterte industrikonsernet Aker ASA med 66,66 prosent av aksjane. Gjennom eigarandelen i Aker ASA har Røkke avgjerande kontroll i Aker Solutions ASA (tidlegare Aker Kværner), Aker Seafoods, Aker American Shipping, Aker Material Handling og Aker Capital. Aker ASA har også ei minoritetsinteresse i Aker Drilling.
| Kjell Inge Røkke | |
| Statsborgarskap | Noreg |
| Fødd | 25. oktober 1958 (66 år) Molde kommune |
| Yrke | reiar, forretningsmagnat, fiskar, racerbåtfører |
Røkke vart i 2007 rangert som den fjerde rikaste personen i Noreg med ein formue på 19,8 milliardar kroner av Kapital.[1] Røkke har dysleksi, men meiner sjølv at det har hjelpt han til å kome dit han er i dag.[2] Han er opphavleg fiskar av yrke.
Den internasjonale tydinga til Røkke vart understreka då finansmannen møtte den dåverande tyske forbundskanslaren Gerhard Schröder nok ein gong då denne vitja Noreg i september 2004. Røkke er gjennom konsernet Aker Kværner ein av dei viktigaste arbeidsgjevarane på den tyske austersjøkysten.
Røkke vart tildelt Peer Gynt-prisen i 2006.
Røkke er gift med Anne Grete Eidsvig og budde på Skøyen i Oslo, frå 2010 på halvøya Løkenes i nærleiken av Konglungen i Asker kommune.
Kjelder
endre- «Røkke, Kjell Inge» av Trond Smith-Meyer i Norsk biografisk leksikon; bind 7, Njøs–Samuelsen (Oslo: Kunnskapsforlaget, 2003) (www)
Referansar
endre- ↑ Kapitals 400 rikeste Arkivert 2015-11-10 ved Wayback Machine. på Hegnar.no.
- ↑ «Lønnsom dysleksi» av Anna Sandvig Brander på E24.no (08.12.2007).
