Klatremaurvarslar
Klatremaurvarslar, Thamnistes anabatinus, er ein liten maurvarslar i den biologiske familien Thamnophilidae. Han er monotypisk i slekta Thamnistes. Arten er utbreidd frå Belize og Mexico i nord, sørover gjennom Mellom-Amerika. I Sør-Amerika langs vestsida av Andes ned til sørlege Ecuador. Han lever òg i eit belte langs austsida av Andes ned gjennom Peru til Bolivia i sør.
| Klatremaurvarslar | |
 Bilete frå Ecuador Foto: Michael Woodruff
| |
| Utbreiing og status | |
Status i verda:  Livskraftig Utbreiinga av Klatremaurvarslar | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Sporvefuglar Passeriformes |
| Familie: | Maurfuglar Thamnophilidae |
| Slekt: | Thamnistes |
| Art: | Klatremaurvarslar T. anabatinus |
| Vitskapleg namn | |
| Thamnistes anabatinus | |
Klatremaurvarslar er ein liten maurfugl, om lag 15 cm lang og veg 21 gram. Han har eit stort, kraftig nebb med krok i enden. Krone, overside, venger og hale er raudbrune. Dei har ei mørk augestripe, over det ei lys, brungul stripe, supercilium. Undersida er oliven til brungul. Kjønna er like, men hannen har ein skjult raudbrun-oransje flekk i midt på ryggen. Ungfuglar er lik dei vaksne, men har raudbrune frynsar på vengedekkarane og er bleikare på undersida. ropet er eit pipande swik, og songen varierer, som tjip eller tjiv tjiv tjiv tjiv tjiv i Costa Rica, piu piu piu piu piu i Venezuela . [1]
Dette er ein fugl som lever i skog, gammal sekundærvekst, halvopen skog og skogskantar opp til 1500 moh. Hoa legg to kvite, brunflekka egg i eit djupt koppforma reir 7-15 meter over bakken i eit tre, vanlegvis på ein halvopen stad. Begge kjønn tar del i reirbygging, ruging, og omsut for ungane.
Klatremaurvarslar et insekt og andre leddyr, som dei plukkar frå lauvverk som ein vireo. Det kan sjåast åleine, i par, eller saman med tanagarar og parulaer i fleirartsflokkar.
Kjelder
endre- Første utgåva av artikkelen byggjer på «Russet Antshrike» frå Wikipedia på engelsk, den 10. juli 2011
- Hilty, Steven L. (29. november 2002). Birds of Venezuela. Christopher Helm Publishers Ltd. ISBN 0713664185.
Referansar
endre- ↑ Hilty, 2002
Bakgrunnsstoff
endre
Wikimedia Commons har multimedia som gjeld: Klatremaurvarslar
- Videoar, bilete og lydopptak av klatremaurvarslar hos Internet Bird Collection
- BirdLife International (2014) Species factsheet: Thamnistes anabatinus Arkivert 2014-08-21 ved Wayback Machine.. Henta frå http://www.birdlife.org den 20. august 2014.