Kortnebbdvergrugde
Kortnebbdvergrugde (Coenocorypha pusilla) er ein vadefugl i snipefamilien, Scolopacidae, med utbreiing avgrensa til Chathamøyane, New Zealand.
| Kortnebbdvergrugde | |
 Illustrasjon av kortnebbdvergrugde | |
| Status | |
Status i verda:  Sårbar
| |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Vade-, måse- og alkefuglar Charadriiformes |
| Familie: | Snipefamilien Scolopacidae |
| Slekt: | †Coenocorypha |
| Art: | Kortnebbdvergrugde C. pusilla |
| Vitskapleg namn | |
| Coenocorypha pusilla | |
Skildring
endre
Kortnebbdvergrugda er den minste dvergrugda, ei lita, kompakt snipe, ca. 20 centimeter lang med kroppssvekt på 80 gram. Nebbet er ca. 3 cm, beina er korte. Fjørdrakta er alt i alt i brunt, nedre del av brystet og buken manglar markeringar og er einsfarga lys. Elles er utsjånaden mykje som hos langnebbdvergrugde. Kortnebbdvergrugda held seg i skjul under vegetasjon på dagtid og flyttar ut i meir opne område om natta, dei flyg sjeldan om dei ikkje gjer fluktspel eller blir uroa.
Dietten består av virvellause dyr som meitemark, amfipoder, vaksne insekt og larver. Dei beitar ved å søkje med nebbet i jordsmonn og planterestar.
Reirplassen ligg i område med grasliknande plantar eller bregnar. Reira er enkle, grunne senkingar i nedfallsblad, gras eller bregnar. Kullet er på 2, nokre gonger 3 egg. Begge foreldra deltar i ruging og etter klekkinga deler dei kullet og tar ansvar for ein (to) unge kvar. Ungen blir fôra første tida og blir sjølvstendig etter ca. 6 veker.
Bestanden er estimert til 2 700-3 300 individ (1996), og er trudd å vere stabil.[1]
Kjelder
endre- Barrie Heather og Hugh Robertson, The Field Guide to the Birds of New Zealand (revised edition), Viking, 2005
- BirdLife International (2012) Species factsheet: Coenocorypha pusilla Arkivert 2012-10-08 ved Wayback Machine.. Henta frå http://www.birdlife.org den 19. desember 2012.
Referansar
endre- ↑ BirdLife International 2012
Bakgrunnsstoff
endre
- (no) Kortnebbdvergrugde hos Artsdatabanken
- (en) Kortnebbdvergrugde – oversikt og omtale av artane i WORMS-databasen
- (en) Kortnebbdvergrugde i Encyclopedia of Life
- (en) Kortnebbdvergrugde i Global Biodiversity Information Facility
- (en) Kortnebbdvergrugde hos Fossilworks
- (en) Kortnebbdvergrugde hos ITIS
- (en) Kortnebbdvergrugde hos NCBI
- (en) Kategori:Coenocorypha pusilla – bilete, video eller lyd på Wikimedia Commons
- Coenocorypha pusilla – detaljert informasjon på Wikispecies
