Krattsongar

Krattsongar (Scotocerca inquieta) er einaste arten i ein nyleg godtatt biologisk familie Scotocercidae i superfamilien Sylvioidea. Han er ein lys, sandfarga liten art som lever i ørkenaktige område med kratt i frå nordlegaste Afrika til sørvestlege Asia.

Krattsongar
Krattsongar
Status
Status i verda: Livskraftig
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Sporvefuglar Passeriformes
Familie:	Scotocercidae
Slekt:	Scotocerca
Art:	Krattsongar S. inquieta
Vitskapleg namn
Scotocerca inquieta Cretzschmar, 1827

Skildring

Dette er ein liten «songar», ca. 10 centimeter og 6-10 gram, litt større enn ein fuglekonge. Han har bleik sandfarga fjørdrakt, svart augestripe og mørke striper over krona. Også svakere striper frå strupen ned over brystet samt på nakke-skulder. Halen er tynn, litt flistete, oppreist og kan spreiast i vifteform. Fargetonen i drakta varierer litt over dei åtte underartane i det langstrekte utbreiingsområdet.

Han lever frå Mauritania i sørvest gjennom Vest-Sahara, dei nordlegaste afrikanske landa til Palestina og Den arabiske halvøya. Vidare austover i Asia såvidt inn i Kashmir og i nord aust for Kaspihavet i sørlegaste Kasakhstan. I det nordlegaste området i Sentral-Asia er han ein trekkfugl. I dette utbreiingsområdet finner krattsongaren habitat i åpne, tørre område med buskar eller gras, men aldri i landbruksområde. Dei kan hekke så høgt som 2600 moh. i Sinai.

Føda er insekt og anna leddyr som dei i hovudsak plukkar frå bakken. I nokre område kan dei ete frø vinterstid.

Birdlife International har klassifisert arten som livskraftig (LC), storleiken på populasjonen er ikkje estimert.

Over ein lang periode var ornitologar usamde om den systematiske klassifiseringen av krattsongar, sist i Cettiidae før han blei sett i sin eigen familie Scotocercidae.

Kjelder

• Denne artikkelen bygger på «Wüstenprinie» frå Wikipedia på tysk, den 27. mai 2021.

• Ryan, P. (2020). Scrub Warbler (Scotocerca inquieta), version 1.0. I Birds of the World (J. del Hoyo, A. Elliott, J. Sargatal, D. A. Christie, og E. de Juana, Editors). Cornell Lab of Ornithology, Ithaca, NY, USA. https://doi.org/10.2173/bow.stswar1.01

Referansar

Bakgrunnsstoff

Commons har multimedium som gjeld: Krattsongar