Eikrone

Artikkelen handlar om eikronemynten, sjå evt også eikronesetel. Om valutaen, sjå norsk krone

Eikrone eller eikroning er ein mynt som har vorte utmynta i Noreg sidan 1875.

Mynten har på adversen oftast hatt eit portrett av den regjerande monarken, men nokre utgåver har vore pryda med monogramet til kongen på adversen.

På reversen har mynten hatt verdinemning, det første året oppgitt som 30 Sk/1 krone. I tillegg har reversen vore pryda med riksvåpen eller ei kongekrine. Frå 1958 til 1973 hadde reversen bilete av ein hest. Frå 1997 er det prega mynt som på reversen har bilete av ein fugl som sit i eit rankeverk, ei fri attgiving av utskjeringane på portalen i Hylestad stavkyrkje.

Frå 1925 til 1951 vart koparnikkel- og nikkelmessing-mynten prega som særskiljemynt med hol midt i mynten. Også utgåva frå 1997 har hol.

**Norsk eikronemynt**
Myntherre	Metall	Vekt	Sølvvekt	Utmynta år	Kunstnar
Oskar II	sølv	7,50 g	6,00	1875-1904
Håkon VII	sølv	7,50 g	6,00	1908-1917
Håkon VII	koparnikkel	7,00 g		1925-51, 1951-57
Olav V	koparnikkel	7,00 g		1958-1973	Per Palle Storm
Olav V	koparnikkel	7,00 g		1974-1991	Øivind Hansen
Harald V	koparnikkel	7,00 g		1992-1996	Ingrid Austlid Rise
Harald V	koparnikkel	4,35 g		1997-	Ingrid Austlid Rise

Kjelder

Norges mynter 1814-1995 ISBN 82-7319-127-3

Bakgrunnsstoff

myntar Olav V Arkivert 2009-01-25 ved Wayback Machine.
myntar Harald V Arkivert 2009-06-28 ved Wayback Machine.
1-kronemynt Arkivert 2009-06-28 ved Wayback Machine.