Lakris

Lakris (extractum glycyrrhiza) er eit svart eller brunt etande stoff som ein trekk ut frå rota av lakrisplanten. Namnet kjem av det greske glykyrrhiza som tyder «søt rot».^[1]

Engelsk konfekt eller lakriskonfekt, her av merket *Bassett's liquorice Allsorts*.

Lakris blir brukt både som smaksstoff, særleg i godteri, men òg i til dømes snus, og ifølgje Felleskatalogen som slimløysande substans i naturlækjemiddel tradisjonelt brukt i folkemedisinen ved forbigåande hoste og katarr i øvre luftvegar. Lakrismikstur (mixtura solvens) kan nyttast ved forkjøling og lakrisrotpulver (lakrispulver) som mildt avføringsmiddel.

Salmiakklakris er ein smaksvariant som blir brukt i godteri.

Lakrisprodukt utforma på ulike måtar kan ha namn som lakrisbåt, (t.d. Skipper Lakrisbåtar) lakrissnor eller lakrispipe.

Lakris-forgifting

Lakrisrotekstrakt blir brukt for å handsama mageproblem og anna. På den andre side kan dei som et mykje lakris ofte, bli forgifta og få problem med hjartet.^[2]^[3]^[4] Ved slikt inntak kan ein få meir av stresshormonet kortisol i blodet, noko som gjev høgt blodtrykk og hovudverk. Forgifting kan òg gje muskelveikskap, kvalme og alvorlege forstyrringa i hjarterytmen på grunn av kaliummagel. Store mengder som blir sett til livs ved einskildtilfelle fører berre til diaré. Lakris kan òg senka testosteronnivået.^[5]

Kjelder

Denne artikkelen bygger på «Lakris» frå Wikipedia på bokmål, den 18. september 2020.

Bakgrunnsstoff

Commons har multimedium som gjeld: Lakris

[1] «lakris» i Nynorskordboka.

[2] rskning.no 2015: Fikk anfall av for mye lakris

[3] .no 2015: Lakris – godteriet du ikke bør spise for ofte

[4] Heldal og Midtvedt om lakrisforgiftning i Tidsskrift for den Norske legeforening 2002

[5] rskning.no 2008: Lumsk lakris

[1]

[2]

[3]

[4]

[5]