Lola av The Kinks

Lola Singel av The Kinks frå albumet Lola Versus Powerman and the Moneygoround, Part One
B-side	«Berkeley Mews» (Storbritannia) «Mindless Child of Motherhood» (USA)
Språk	engelsk
Utgjeve	12. juni 1970
Innspelt	April–mai 1970
Studio	Morgan Studios i Willesden i London
Sjanger	Rock folkrock
Lengd	4:03
Selskap	Pye (7N 17961) Reprise (0930)
Tekstforfattar	Ray Davies
Låtskrivar(ar)	Ray Davies
Produsent	Ray Davies
The Kinks-kronologi
«Victoria» (1969)	Lola	«Apeman» (1970)

«Lola» er ein song av The Kinks frå 1970 skriven av Ray Davies. Songen omhandlar eit romantisk møte mellom ein ung mann og ein transvestitt han møter i Soho i London.

Songen er ein av dei mest kjende til The Kinks og vart gjeven ut som singel frå albumet Lola versus Powerman and the Moneygoround, Part One. Singelen nådde andreplassen i Storbritannia og niandeplassen i USA. Songen vart i 2003 rangert på 422. plass av musikkmagasinet Rolling Stone på lista deira over dei 500 beste songane gjennom tidene. På den oppdaterte lista deira frå 2010 var songen ute av lista.

Inspirasjon for songen

I boka The Kinks: The Official Biography fortel Ray Davies at han vart inspirert til å skrive songen etter at manageren deira Robert Wace hadde dansa med ein transvestitt på ein nattklubb. Seint i 1969 oppfordra far til Davies han om å yte litt ekstra for å få ein ny stor hitsingel etter ein lang periode utan hittar for bandet, og «Lola» vart resultatet. Davies og The Kinks brukte ekstra lang tid på å spele inn og utforme songen i Morgan Studios i London tidleg i 1970.

I sjølvbiografien sin hevdar Dave Davies at han skreiv musikken til det som vart «Lola». Etter at Dave hadde spelt musikken til broren, skreiv Ray teksten. Dave hevdar så at broren tok all æra for songen. Den opphavlege teksten hadde orda «Coca-Cola», men sidan BBC dermed ikkje ville spele songen på grunn av reklamen det gav, måtte dei endra teksten til «cherry cola» for singelen.

Suksessen singelen hadde fekk konsekvensar for bandet på eit kritisk tidspunkt i karrieren deira. Dei kunne no forhandle ein ny kontrakt med RCA Records, bygge sitt eige London Studio og ta kreativ kontroll over karrieren sin. «Lola» vart ein særs populær konsertsong for bandet.

Medverkande

• Ray Davies – vokal, resonatorgitar
• Dave Davies – elektrisk gitar, korvokal
• Mick Avory – trommer
• John Dalton – bass
• John Gosling – piano
• Ken Jones – maracas

Salslister

Vekeslister Liste (1970–71) Plassering Australia (Go-Set) 6 Australia (Kent Music Report) 4 Austerrike (Ö3 austerriksk Topp 40) 2 Canada Top Singles (RPM) 2 Belgia (Ultratop 50 Flandern) 3 Belgia (Ultratop 50 Flandern) Live version (1980–1981) 1 Tyskland (Media Control AG) 2 Irland (IRMA) 1 Nederland (Nederlandsk Topp 40) 1 Nederland (Nederlandsk Topp 40) Live version (1980–1981) 1 Nederland (Mega Single Top 100) 1 Nederland (Mega Single Top 100) Live version (1980–1981) 1 New Zealand (Listener) 1 Sør-Afrika (Springbok) 1 Sveits (Schweizer Hitparade) 4 UK Singles (Official Charts Company) 2 US Billboard Hot 100 9 US Billboard Hot 100 Live version (1980–1981) 81 US Cash Box Top 100 8

Årslister Liste (1970) Passering Australia (Kent Music Report) 94 Canada Top Singles (RPM) 38 Nederland (Single Top 100) 4 US Billboard Hot 100 52 US Cash Box 78

Andre utgåver

Av artistar som har spelt songen finn Don Fardon i 1974, The Raincoats i 1979, Andy Taylor (frå Duran Duran) i 1990, Bad Manners i 1993, Dana Baitz, Madness i 2005, Jan Rot, Robbie Williams, McFly og Travis i 2008

I 1981 spelte «Weird Al» Yankovic ein parodiversjon av songen kalla «Yoda», ein karakter frå Star Wars.

Kjelder

• Denne artikkelen bygger på «Lola (song)» frå Wikipedia på engelsk, den 2. mai 2009.
  • Wikipedia på engelsk oppgav desse kjeldene:
  • The Kinks. Lola vs Powerman and the Moneygoround: Part One. Reprise, 1970.

Bakgrunnsstoff

• Heile songteksten på MetroLyrics