Mæland II
Mæland II er det andre byrådet i Bergen kommune leia av Monica Mæland, og er samansett av Høgre og KrF. Fram til 28. april 2009 var også Frp ein del av byrådet. Byrådet vart vald i bystyret i Bergen 29. oktober 2007[1].
Monica II-byrådet er det tredje byrådet i Bergen etter at parlamentarismen vart innført i 2000. Byrådet overtok etter Mæland I-byrådet.
Endringar i byrådet endre
Mæland II vart danna som eit fleirtalsbyråd samansett av Høgre, Frp og KrF. Etter usemje i byrådet om ein bompengesøknad for vidare finansiering av samferdsleprosjektet Bergensprogrammet, valde dei to Frp-representantane i byrådet, Liv Røssland og Øistein Christoffersen, å trekkje seg 28. april 2009. Bergen bystyre gjorde endringar i byrådet 25. mai 2009[2]. Det vart også gjort endringar i byrådet etter at Henning Warloe og Tomas Moltu trekte seg frå byrådet 28. september 2009. Desse vart erstatta av Harald V. Hove og Filip Rygg[3].
Byrådane endre
Mæland I-byrådet er samansett av byrådsleiar, med eiga fagavdeling, og fire byrådar.
- Monica Mæland, Høgre, byrådsleiar og byråd for kultur, kyrkje og idrett
- Lisbeth Iversen, KrF, byråd for byutvikling, næring og klima; nestleiar i byrådet
- Christine B. Meyer, Høgre, byråd for helse og inkludering
- Harald V. Hove, Høgre, byråd for finans, konkurranse og eigarskap
- Filip Rygg, KrF, byråd for barnehage og skule
Tidlegare byrådar endre
- Henning Warloe, Høgre, byråd for kultur, næring og idrett
- Tomas Moltu, KrF, byråd for barnehage og skule
- Liv Røssland, Frp, byråd for helse og inkludering
- Øistein Christoffersen, Frp, byråd for byutvikling og bydelar
Referansar endre
- ↑ «arkivkopi». Bergen kommune. Arkivert frå originalen 5. mars 2016. Henta 15.11.2009.
- ↑ «arkivkopi». Bergen kommune. Arkivert frå originalen 5. mars 2016. Henta 15.11.2009.|publisher=Bergen kommune|accessdate=15.11.2009}}
- ↑ «arkivkopi» (PDF). Bergen kommune. Arkivert frå originalen (PDF) 5. mars 2016. Henta 15.11.2009.