MS «Eidfjord»
| Karriere |  Noreg |
|---|---|
| Namn: | MS «Eidfjord» |
| Eigar: | HSD |
| Verft: | Mjellem & Karlsen i Bergen |
| Verftsnummer: | 64 |
| Sjøsett: | 1935 |
| Teke ut av teneste: | 1973 |
| Kjennemerke: | LIZO |
| Generelle mål | |
| Type: | Lokalrutebåt |
| Tonnasje: | 162 brt, 75 nrt |
| Lengd: | 31,89 m |
| Breidd: | 6,30 m |
| Djupgang: | 3,15 m |
| Installert effekt : | 200 bHK |
| Framdrift: | 4cyl. 2T EV Wichamnn RM |
| Generelle mål etter ombygging i 1953 | |
| Tonnasje: |
195 brt 106 nrt |
| Karriere |  Storbritannia |
| Namn: | MS «Tartan Arrow II» |
| Eigar: |
1973: Tartan Arrow Marine Ltd. 1975: R. S. Dymond 1977: Gerard B. Sewell |
| Teke ut av teneste: | 1973 |
| Heimehamn: | London |
| Kjennemerke: | LIZO |
| Karriere |  Kypros |
| Namn: | MS «Gianna Maria» |
| Eigar: | Garry Lake Shipping Co. Ltd. |
| Sett i teneste: | 1978 |
| Teke ut av teneste: | 1978 |
| Heimehamn: | Limassol |
| Kjennemerke: | LIZO |
| Lagnad: | Ukjend, stroke frå alle lister i 1987 |
MS «Eidfjord» var ein lokalrutebåt som vart levert til Hardanger Sunnhordlandske Dampskipsselskap i 1935 og som gjekk i rute til 1973.
MS «Eidfjord»
endreSkipet vart levert frå AS Mjellem & Karlsen i Bergen i april 1935 for kr. 200 000. Ho vart nytta i turistrute Norheimsund – Eidfjord – Ulvik i sommarhalvåret, og avløyste lokalrutebåten til reiarlaget, MS «Granvin»).
Andre verdskrigen
endreDå Noreg vart invadert 9. april 1940 gjekk «Eidfjord» i rute i Indre Hardanger. Ho vart rekvirert som troppetransport for norske soldatar saman med «Granvin» og «Hordaland» som var i same området.
25. april 1940 frakta «Eidfjord» og «Granvin» norske soldatar frå Kinsarvik til Granvin, då fem tyske motortorpedobåtar gjekk til åtak på dei norske styrkane i Ulvik. «Eidfjord» vart teken som krigsbytte, medan «Granvin» rakk å kome seg ut før sjølve åtaket. HSD gjekk i mot at «Eidfjord» kunne takast som krigsbytte og etter mykje korrespondanse, omgjorde tyskarane forholdet til rekvisisjon, men heldt båten like til freden og i mai 1945 vart ho levert attende til HSD i nedsliten stand.
Etterkrigstida
endreI juli 1945 vart skipet omfattande overhalt ved Frydenbø Slip på Damsgård i Bergen og i september same året var «Eidfjord» attende i fart igjen. Sommaren 1949 vart ho nytta i turistruta Odda – Granvin, og sommaren 1950 i turistruta Odda – Norheimsund.
I 1953 vart ruta korta ned til den opphavlege strekninga: Norheimsund – Ulvik. «Eidfjord» vart nytta i lokalrutefart i Sunnhordland i vinterhalvåret (HSD-båten «Tysnes» som elles gjekk i ruta, låg typisk i vinteropplag).
I 1955 vart skipet ombygd og modernisert og overbygget vart innkledd akterut, i tillegg til at det vart bygd ny salong. I 1958 vart turistruta lagt ned for ei stund, men ho vart attende i 1962 i turistruta Norheimsund – Ulvik. Ruta hadde starta opp igjen i 1961 med HSD-båten «Halsnøy»). I 1963 vart ho sett inn i Sunnhordland Lokalrute (Leirvik – Mosterhamn – Valevåg – Leirvik – Halsnøy – Sunde), der ho avløyste «Tysnes», som no vart selt.
31. mai 1966 gjekk «Eidfjord» den siste turen i Sunnhordland lokalrute. Ruta vart deretter overteke av reservebåten til reiarlaget, «Bjoa» (og året etter innleigde «Onarøy»).
1. juni 1966 vart «Eidfjord» sett inn i Midthordlandsruta, der ho avsløyte sjøbussen «Midthordland» som HSD måtte nytte i Kvinnheradsruta. Ruta var slik: tirsdag og torsdag: Bergen (avgang kl.14.30) – Bjelkarøy – Skorpo – Nordstrøno – Askvik – Øyernes og Vedholmen – Skår -Våge – Godøysund – Lundegrend – Sundvor – Nordtveitgrend – Baldersheim – Revnesstrand – Strandvik – Engjavik (ank. kl.21.25). Mandag, onsdag og fredag (?): Os – Øyernes og Vedholmen – Skår -Våge – Godøysund – Lundegrend – Sundvor – Nordtveitgrend – Baldersheim – Revnesstrand -Strandvik – Engjavik (?).
31. mai 1968 vart ho sett inn i lokalrute i Austevoll og Fitjar, der ho avløyste den innleigde lokalrutebåten «Skjærgaard». I september 1973 vart ho teke ut av fart.
Etterhistorie
endreDesember 1973 vart «Eidfjord» seld til Tartan Arrow (Marine) Ltd. i London i England og omdøypt «Tartan Arrow II». Ho vart selt vidare i 1975 til R. S. Dymond i England, i 1977 til Gerard B. Sewell i London og nytta som yacht. I 1978 vart ho selt til Gordon Bruce & Helen Bridland i London og nytta som yacht i Middelhavet. Same året vart ho seld til Garry Lake Shipping Co. Ltd. i Limassol i Kypros. Skipet fekk då namnet «Gianna Maria». 29. september 1978 var ho derimot stroke frå kypriotisk register og i april 1987 vart ho stroke frå Lloyd's Register. Kva lagnaden hennar var er ukjend.
Kjelder
endre- Skipet.no
- «Fjordabåten» Dag Bakka jr. 1994
- «Over Fjord og Fjell, HSD 1880-1980» Bård Kolltveit 1980
- «Båtene våre, -hvor ble de av?» Dag Bakka jr. for Bergens Tidende 1984(?)
- Artikkel i «Dampskipsposten» no.72 1/2005 av Arne Tvedt