Mangawhai
Mangawhai ein liten by i regionen Northland på New Zealand ved Mangawhai Harbour. Mangawhai ligg i den sørvestlege delen av hamna, og busetnaden Mangawhai Heads ligg fem km mot nordaust. Kaiwaka ligg 13 km mot sørvest og Waipu 20 km nordvest for Mangawhai Heads.[1][2]
| Mangawhai | |
|---|---|
 | |
| Styresmakter | |
| Land Region Distrikt |
New Zealand Northland Kaipara |
| Geografi | |
| Innbyggjarar - By (2006) |
1665 |
| Koordinatar | 37°7′35″S 174°34′29″E / 37.12639°S 174.57472°E |
| Innbyggjartalet er Mangawhai og Mangawhai Heads til saman | |
Folketalet i Mangawhai distrikt var 813 ved folketeljinga i 2006, ein oppgang på 189 frå 2001. Det statistiske distriktet dekkjer eit betydeleg større område enn sjølve byen.[3] Folketalet i Mangawhai Heads var 852 i 2006, opp 132 frå 2001.[4]
Historikk
endreTidleg og midt på 1800-talet var Mangawhai Harbour ein av dei viktigaste tilgangsstadane til Kaipara. Maoriar frå iwien Ngāti Whātua brukte å dra wakaer (kanoar) over land frå Kaiwaka til Mangawhai.[5] Ei gruppe krigarar frå iwien Ngā Puhi gjekk i land ved Mangawhai i februar 1828 og drog tolv kilometer inn i landet for å gå til åtak på Ngāti Whātua ved Te Ika-a-ranga-nui nær Kaiwaka.[6][7]
Seinare på 1800-talet reiste nybyggjarar med båt frå Auckland til Mangawhai, så gjekk dei til Kaiwaka, og drog så vidare att med båt over Kaipara Harbour. Tidleg på 1860-talet fanst det ein kjerreveg mellom Mangawhai og Kaiwaka.[8]
Byane marknadsfører seg som turistmål ikkje så langt frå Auckland med natur prega av mangrovar og pōhutukawa-tre på ei side av hamna og fine strender og sanddyner på den andre.
Sandindustri
endreUtvinning av sand starta ved innløpet til Mangawhai Harbour i 1953.[9] I 1988 fall sanddynene saman, og innløpet til hamna var stengt i fire år før det vart opna att. Interessegruppa The Mangawhai Harbour Restoration Society meiner at det var utvinninga av sand som starta kollapset.[10][11]
Frå 1993 til 2004 vart sand til kommersiell bruk sogen ut frå sandbankane ved Mangawhai Heads.[12][13] I 2004 vann Mangawhai Harbour Restoration Society ei rettsavgjerd i Miljødomstolen om å stoppa utferding av nye lisensar for sandfjerning.[10] Selskapa anka avgjerda til regionstyret i Auckland, men fekk avslag her også i 2005.[14]
Ein søknad om å få utvinna sand i Mangawhai Forest var i 2008 til handsaming i Miljødomstolen.[15]
Referansar
endre- ↑ Peter Dowling, red. (2004). Reed New Zealand Atlas. Reed Books. s. kart 8. ISBN 0-7900-0952-8.
- ↑ Roger Smith, GeographX (2005). The Geographic Atlas of New Zealand. Robbie Burton. s. kart 31. ISBN 1-877333-20-4.
- ↑ «Kart over Mangawhai statistical district». Statistics New Zealand.
- ↑ «Final counts – census night and census usually resident populations, and occupied dwellings - Kaipara District». Statistics New Zealand.
- ↑ The journal of the Polynesian Society, bind 10, utgjeve 1901, forlag: Polynesian Society, side 30
- ↑ Brian Byrne (2002). The Unknown Kaipara. s. 25. ISBN 0-473-08831-2.
- ↑ Russell Stone (2001). From Tamaki-Makau-Rau to Auckland. s. 100.
- ↑ Wayne Ryburn (1999). Tall Spars, Steamers & Gum. s. 16-17, 30, 38. ISBN 0-473-06176-7.
- ↑ Mangawhai Harbour entrance.
- ↑ 10,0 10,1 «Community saves coast». ASB Community Trust.
- ↑ Mangawhai Harbour entrance.
- ↑ Phosphates, ironsands and sands.
- ↑ Deep Fried TV (29. oktober 2004). «Auckland's Northeast Coast Under Attack».
- ↑ Nautical News: Mangawhai Harbour Sand Mining Ban
- ↑ Sand mining likely at Mangawhai Forest[1], Rodney Times, 29. januar 2008}}
- Denne artikkelen bygger på «Mangawhai» frå Wikipedia på engelsk, den 24. juli 2008.
Bakgrunnsstoff
endre- Heimeside til Mangawhai Arkivert 2008-10-14 ved Wayback Machine.