Masu'ot Yitzhak
Masu'ot Yitzhak (hebraisk skrift מְשּׂוּאוֹת יִצְחָק, tyder 'Yitzhaksvardane') er ein moshav shitufi sør i Israel. Han ligg nær Ashkelon i Shafir regionale kommune. Han var opphavleg ein kibbutz i Gush Etzion som vart øydelagd og avfolka i den arabisk-israelske krigen i 1948.[1] Ein ny busetnad vart grunnlagd i 1949 på den noverande staden. I 2007 hadde Masu'ot Yitzhak eit folketal på 604.
| Masu'ot Yitzhak | |||
| מְשּׂוּאוֹת יִצְחָק, Mesu'ot Yitzhak | |||
| landsby | |||
 | |||
| Land |  Israel
| ||
|---|---|---|---|
| Distrikt | Det sørlege distriktet | ||
| Kommune | Shafir | ||
| Koordinatar | 31°42′11.87″N 34°41′22.2″E / 31.7032972°N 34.689500°E | ||
| Folketal | 705 (2015) | ||
| Grunnlagd | 1945 (i Gush Etzion)
1949 (noverande) | ||
| • Grunnlagd av | mellomeuropeiske immigrantar | ||
| Tilhøyrsle | Hapoel HaMizrachi | ||
 Masu'ot Yitzhak 31°42′12″N 34°41′22″E / 31.703297222222°N 34.6895°E | |||
  Kart som viser Masu'ot Yitzhak.
| |||
| Wikimedia Commons: Masuot Yitzchak | |||
Historie
endre
Kibbutzen Masu'ot Yitzhak vart grunnlagd i 1945 i Gush Etzion, halvvegs mellom Jerusalem og Hebron. Nybyggjarane var unge pionerar frå Ungarn, Tsjekkoslovakia og Tyskland som hadde kome her før andre verdskrigen. Kibbutzen vart kalla opp etter sjefsrabbien i Palestina, Yitzhak HaLevi Herzog.[2]
Nybyggjarane i Masu'ot Yitzhak tok utfordringa med å leve i Judeafjella, bygde heimar og planta frukthagar. I 1948 vart Gush Etzion erobra av den arabiske legionen. Innbyggjarane i Kfar Etzion vart massakrerte, og alle dei andre innbyggjarane i Gush Etzion, inkludert dei i Masu'ot Yitzhak, vart tekne til fange og sende til Jordan.[1]
Etter dei kom attende frå fangenskapen i 1949, grunnla pionerane i Masu'ot Yitzhak ein ny moshav med same namn nær Shafir, ein region busett av filistrane i bibelsk tid. Profeten Mika talte om Shafir (Mika 1:11). Shafir hadde vore base for den sørlege fronten til det israelske forsvaret under sjølvstendekrigen til Israel. Moshaven var tilknytt Hapoel Hamizrachi. I følgje Walid Khalidi, vart han grunnlagd på land som høyrte til den palestinske landsbyen Al-Sawafir al-Gharbiyya.[3]
Tzahali, eit militært førebuande opplegg for religiøse jenter, er basert i Masu'ot Yitzhak.[4]
Kjelder
endre- Denne artikkelen bygger på «Masu'ot Yitzhak» frå Wikipedia på engelsk, den 13. september 2015.
- Wikipedia på engelsk oppgav desse kjeldene:
- Khalidi, Walid (1992), All That Remains: The Palestinian Villages Occupied and Depopulated by Israel in 1948, Washington D.C.: Institute for Palestine Studies, ISBN 0-88728-224-5
- ↑ 1,0 1,1 The Streets of Jerusalem: Who, What, Why, Ronald L. Eisenberg
- ↑ Masu'ot Yitzhak Homee.co.il (he)
- ↑ Khalidi, 1992, s. 133
- ↑ Shooting Israel: Seeing Jerusalem through the lens of a camera, Haaretz
Bakgrunnsstoff
endre- Offisiell nettstad (he)
- Memorial for Masu'ot Yitzhak in Gush Etzion Arkivert 2007-09-27 ved Wayback Machine. (he)