Maungaturoto

Maungaturoto er ein liten by i regionen Northland på New Zealand. Sjølv om folketalet i byen ved folketeljinga i 2006 berre var 837, er han den nest største busetnaden i Kaiparadistriktet.

Maungaturoto i Northland

Busetnaden ligg nær elva Otamatea River som munnar ut i Kaipara Harbour 25 km nord for Wellsford og 45 km sør for Whangarei.

Historikk

Staden vart danna i første halvdel av 1860-åra då the Albertland Company skipa inn 3 000 nybyggjarar til Port Albert, på den sørlege breidda til elva Ōruawharo River. Dei fleste av desse starta med jordbruk. Tidlegare, alt kring 1840, kom dei første europearane til distriktet for å hogga tømmer i dei store kauriskogane som fanst her. No er produksjon av mjølk og mjølkeprodukt den viktigaste næringsvegen til byen.

Anna

Ein stad om lag fem km sørvest for Maungaturoto er antipodepunktet til Gibraltar.

Bakgrunnsstoff

• Dick Scott: Seven lives on Salt River Hodder and Stoughton and Southern Cross Books (1987)
• Te Ara: The encyclopedia of New Zealand

Denne geografiartikkelen er ei spire. Du kan hjelpe Nynorsk Wikipedia gjennom å utvide han.