Natalia Gordienko
Natalia Gordienko (fødd 11. desember 1987) er ein moldovsk songar, influensar og tv-programleiar. Saman med Arsenie Todiraș representerte ho Moldova i Eurovision Song Contest 2006, med songen «Loca». I 2020 skulle Gordienko ha representert Moldova for andre gong, med songen «Prison», men 18. mars 2020 avlyste EBU Eurovision Song Contest på grunn av koronaviruspandemien i Europa vinteren 2020.[1] I staden skal ho representere Moldova i tevlinga i 2021, med songen «Sugar».[2]
| Natalia Gordienko | |||
.jpg) | |||
| Fødd | 11. desember 1987 (36 år) | ||
|---|---|---|---|
| Fødestad | Chişinău | ||
| Opphav | Moldova | ||
| Aktiv | 2005– | ||
| Sjanger | pop, moderne R&B, folkeminne | ||
| Instrument | piano, vokal | ||
| Verka som | songar, dansar, musikar, skodespelar | ||
Bakgrunn endre
Gordienko vart fødd i Chișinău, hovudstaden i Moldova, 11. desember 1987. Ho har ukrainsk opphav. Som barn song ho i sitt lokale skolekor og fekk pianoundervising på musikkskole. Seinare dansa ho i danseensemblet til skulen i ti år, og som 15-åring deltok ho i sin første lokale songtevling. Gordienko studerte seinare popjazz ved Academia dei Muzica Teatry si Arta Plastice (AMTAP).[3]
Musikkarriere og Eurovision Song Contest endre
I 2005 vart Gordienko vokalist i bandet Millennium, og same år kom bandet på tredjeplass i O melodie pentru Europa – den moldovske uttakinga til Eurovision Song Contest – med songen «Tablou pe sticlǎ». Like etter vart Millennium invitert til å deltake i Cerbul de Aur 2005, ei internasjonal songtevling i nabolandet Romania.
I 2006 representerte Gordienko Moldova i Eurovision Song Contest saman med Arsenium og Connect-R med songen «Loca» (galen). Songen fekk 22 poeng og enda som nummer 20 av 24 i finalen. Same år enda ho på andreplass i den internasjonale musikktevlinga Slavianski Bazaar og vart den meste kjende songaren i landet. Året etter vant ho fyrstepremie under New Wave Competition i Jurmala og vant seinare gull i vokal-kategorien under World Championships of Performing Arts i Los Angeles.[3][4] Same året mottok Gordienko utmerkinga Æresartist av Moldova.
Trass at ho ikkje hadde nokon DJ-røynsle sjølv, starta Gordienko DJ Star project i 2009. Ho deltok sjølv, og vann førstepris i si eiga tevlinga.[4] Ho slapp debutalbumet Tima i 2010 og oppfølgjaralbumet Cununa de flori i 2011. I 2015 slapp ho singelen «Summertime» på Fly Records.[5]
Gordienko deltok på ny 29. februar 2020 i O melodie pentru Europa den 29. februar 2020, med songen «Prison». Vinnaren av tevlinga får representere landet i Eurovision Song Contest. «Prison» var favoritt hos både juryen og tv-sjåarane, og vann tevlinga.[6][7] Gordienko skulle dimed ha representert Moldova i Eurovision Song Contest 2020, men tevlinga vart avlyst på grunn av koronaviruspandemien.[8] I staden inviterte den moldovske kringskastaren TRM Gordienko til å representere Moldova i Eurovision Song Contest i 2021.[9]
Tevlingar endre
- Nasjonal songtevling på den nasjonale radiokanalen Radio Moldova i 2003 – andreplass
- Nasjonal tevling – Stjerna av Chisinau i 2003 – fyrstepremie
- Nasjonal tevling – Miss Teenager i 2004
- Internasjonal tevling – Rainbow Star sin i Jurmala i Latvia i 2003
- Internasjonal tevling – Sevastopol-Ialta i Ukraina i 2004 – fyrsteplass
- Internasjonal tevling – Delfice Game sitt i 2004 – fyrsteplass
- Internasjonal konkurranse – Heart of Two Twins i 2004 – fyrsteplass
- Internasjonal tevling – Songs of the World i 2005 – fyrsteplass
- Eurovision Song Contest 2006 – nummer 20 av 24 (med Arsenium)
- Slavianski Bazaar 2006 – andreplass
- New Wave 2007 – fyrsteplass
- Nasjonal tevling O melodie pentru Europa 2020 – fyrsteplass
Referansar endre
- ↑ Granger, Anthony (20. mars 2020). «Belgium: Hooverphonic Will Compete At Eurovision 2021» (på engelsk). Henta 20. mars 2020.
- ↑ News, Eurovision (15. juli 2020). «Eurovision Moldova: Natalia Gordienko confirmed for Eurovision 2021 - ESCToday.com» (på engelsk). Henta 23. juli 2020.
- ↑ 3,0 3,1 «In the spotlight: Natalia Gordienko» (på engelsk). 15. april 2020. Henta 23. juli 2020.
- ↑ 4,0 4,1 «Natalia Gordienko: 10 facts about Moldova's Eurovision 2020 singer» (på engelsk). 27. april 2020. Henta 23. juli 2020.
- ↑ «INTERVIU Natalia Gordienko, cântăreaţa din Moldova care se afirmă în România: „Îmi place foarte mult politica, poate îmi voi încerca puterile“» (på engelsk). Henta 23. juli 2020.
- ↑ «Moldova: Natalia Gordienco wins Finala nationala 2020 with "Prison"» (på engelsk). 29. februar 2020. Henta 2. mars 2020.
- ↑ «🇲🇩 Natalia Gordienko to represent Moldova in Eurovision 2020!» (på engelsk). 29. februar 2020. Henta 23. juli 2020.
- ↑ Svendsen, Maiken (18. mars 2020). «Eurovision Song Contest avlyst» (på norsk bokmål). Henta 20. mars 2020.
- ↑ News, Eurovision (15. juli 2020). «Eurovision Moldova: Natalia Gordienko confirmed for Eurovision 2021 - ESCToday.com» (på engelsk). Henta 23. juli 2020.