Nils Östensson
Nils Holger Östensson (29. april 1918–24. juli 1949) var ein svensk langrennsløpar som vart olympiameister med Sverige i 4 x 10 km stafett og tok sølvmedaljen på 18 km under OL 1948 i St. Moritz. Östensson tevla for Sälens IF.
| Nils Östensson | |
|
| |
| Statsborgarskap | Sverige |
| Fødd | 29. april 1918 Malung-Sälens kommun |
| Død | 24. juli 1949 (31 år) Malung-Sälens kommun |
| Idrett | langrenn, militært patruljeløp |
| Tok del i | cross-country skiing at the 1948 Winter Olympics – men's 18 km, cross-country skiing at the 1948 Winter Olympics – men's 4 × 10 km relay |
Under Vinter-OL 1948 i St. Moritz var dei svenske langrennarane overlegne konkurrentane. På den innleiande 18-kilometeren tok dei heim alle medaljane; Martin Lundström vart olympiameister 32 sekund føre Östensson, medan Gunnar Eriksson kapra bronsen. På 4 x 10 km stafett gjekk Östensson startetappen for Sverige og veksla nesten to minuttar føre Finlands mann på andreplass. Nils Täpp, Eriksson og Lundström berre auka forspranget på sine respektive etappar, så til sist skilde det 8.58 minuttar mellom Sverige og sølvkvartetten frå Finland.
Seinare i 1948 vann kom Östensson på tredjeplassen på 18 km i Holmenkollen, eitt sekund bak Täpp; Lundström sigra som i OL-tevlinga. I 1949-sesongen deltok Östensson i Holmenkollrenna på nytt og vann like godt både 18 km og 50 km.
Han omkom i ei motorsykkelulukke i 1949 på vegen mellom Lima og Torsby, 31 år gammal. Östensson var då på veg heim til Transtrand frå kraftverksarbeid i Värmland.
Bakgrunnsstoff
endre- FIS-biografi Arkivert 2007-09-29 ved Wayback Machine.
- Holmenkoll-vinnarar sidan 1892 Arkivert 2007-02-24 ved Wayback Machine.
Kjelder
endre- P.Chr. Andersen: Den nye olympiaboken, 1957
- Denne artikkelen bygger på «Nils Östensson» frå Wikipedia på svensk, den 16. juli 2012.