Noord-Holland

Noord-Holland (vestfrisisk Noard-Holland) er ein provins i Nederland og ligg nordvest i landet. Administrasjonssenteret er Haarlem og andre store byar i provinsen er hovudstaden i landet, Amsterdam, Hilversum, Den Helder, Alkmaar, Zaandam og Hoorn.

Provincie Noord-Holland Provinsen Nord-Holland
Flagg Våpen
Hovudstad	Haarlem
Største by	Amsterdam
Dronninga sin kommissær	Arthur van Dijk (VVD)
Religion (1999)	protestant 10% romersk-katolsk 20% jødisk 0,75%
Areal  • Land  • Vatn	2 670 km² (6.) 1 421 km²
Folketal (2006)  • Totalt  • Folketettleik	2 606 584 (2.) 976/km² (2.)
Hymne	«Ik houd van het groen in je wei»
Offisiell nettstad	www.noord-holland.nl

Geografi

Noord-Holland dannar ei halvøy mellom Nordsjøen og IJsselmeer. Meir enn halvparten av provinsen består av polderar, som tidlegare var under sjø eller vatn, og ligg derfor under havnivå. Øya Texel er òg ein del av Noord-Holland.

Historie

Provinsen Noord-Holland vart oppretta i 1840, då provinsen Holland vart delt i ein nordleg og ein sørleg del (Zuid-Holland) I 1940 vart øyane Vlieland og Terschelling overført til provinsen Friesland. I 1950 vart den tidlegare øya Urk ein del av provinsen Overijssel. I perioden under Dei sameinte Nederlanda var provinsen Holland kjend som provinsen «Holland og West-Friesland». Våpenskjoldet til Noord-Holland syner framleis dette.

Kommunar

Noord-Holland er delt inn i 48 kommunar:

Aalsmeer Alkmaar Amstelveen Amsterdam Beemster Bergen Beverwijk Blaricum Bloemendaal Castricum Den Helder Diemen Drechterland Edam-Volendam Enkhuizen Gooise Meren

Haarlem Haarlemmerliede en Spaarnwoude Haarlemmermeer Heemskerk Heemstede Heerhugowaard Heiloo Hilversum Hollands Kroon Hoorn Huizen Koggenland Landsmeer Langedijk Laren Medemblik

Oostzaan Opmeer Ouder-Amstel Purmerend Schagen Stede Broec Texel Uitgeest Uithoorn Velsen Waterland Weesp Wijdemeren Wormerland Zaanstad Zandvoort

West-Friesland

West-Friesland er ein region som er ein del av Noord-Holland, og ikkje ein del av provinsen Friesland.

Regionen består av kommunane:

(Alkmaar) Drechterland Enkhuizen Heerhugowaard (Hollands Kroon) Hoorn

Koggenland Langedijk Medemblik Opmeer (Schagen) Stede Broec

Bakgrunnsstoff

• Offisiell nettside
• Grunnleggjande informasjon Arkivert 2009-01-25 ved Wayback Machine.
• Kart over provinsen Arkivert 2005-02-08 ved Wayback Machine.
• Offisiell turistside
• Bilete frå Noord-Holland Arkivert 2009-06-26 ved Wayback Machine.
• Haarlem Shuffle

Kjelder

• Denne artikkelen bygger på «North Holland» frå Wikipedia på engelsk, den 15. februar 2008.