Nordre Follo kommune

Nordre Follo er ein kommune i Viken fylke. Kommunen grensar til Oslo i nord, Bunnefjorden og Ås i vest, Indre Østfold i søraust og Enebakk i aust.[1] Han er ein av dei folkerikaste i Noreg med 000000000059288.000000000059 288 innbyggjarar.[2]

Nordre Follo kommune
kommune
Kommunevåpen
Land Flag of Norway.svg Noreg
Fylke Viken
Areal 203,00 km²
 - land 196,45 km²
 - vatn 6,55 km²
Folketal 59 288 (1. januar 2020)
Målform Bokmål
Ordførar Hanne Opdan (Ap)
Kommunenr. 3020

Nordre Follo
59°45′0″ N 10°52′0″ E
NO 3020 Nordre Follo.svg
Wikimedia Commons: Nordre Follo
Nettstad: https://www.nordrefollo.kommune.no

Kommunen vart danna den 1. januar 2020 gjennom samanslåing av Ski og Oppegård kommunar i tidlegare Akershus fylke.[3] I samband med samanslåinga vart ein del av Ås kommune (Tandbergløkka) flytta til Nordre Follo.[4]

Kommunevåpenet er eit sølvfarga havreaks på blå bakgrunn. Havreakset står for den rike jordbrukstradisjonen i området. Blåfargen står for himmel og vatn, som fjorden, sjøar og vassvegar.[5]

GeografiEndra

Terrenget i Nordre Follo er småkupert og stort sett skogkledd med lausmassar i forsenkingane. Berggrunnen består av gneis som er del av det søraustnorske grunnfjellsområdet. Skimorenen er eit aust-vestgåande ra som dannar vasskiljet mellom vassdraga nordover til Gjersjøen/Bunnefjorden og Mossevassdraget (nedbørfeltet til Kråkstadelva).[1]

Norddelen av kommunen, Oppegård, blir nesten delt i to av den nord–sørgåande Gjersjøen. I nordaust finst årsar på opptil 216 meter over havet og i vest når Svartskogplatået opp til 163 meter over havet. Sør og vest i kommunen er landskapet flatare og lågare, men den høgaste toppen i kommunen, Tømmerås på 313,1 moh.,[6] ligg likevel i sør.[1]

Sør- og vestdelen av kommuenen er dekka av store marine lausavsetningar, og dannar store jordbruksområde. Korndyrking er den viktigaste driftsforma.[1]

FolkesetnadEndra

Nordre Follo er ein del av Stor-Oslo i Osloregionen. Folkesetnaden er konsentrert rundt bybandet langs jernbanen sørover frå Oslo. Østfoldbanen går aust for Gjersjøen gjennom Kolbotn, Langhus og så til administrasjonssenteret Ski.

KjelderEndra

  1. 1,0 1,1 1,2 1,3 Askheim, Svein (20. august 2020). «Nordre Follo». Store norske leksikon (på bokmål). . Fri artikkel.
  2. «Nordre Follo Kommune», www.nordrefollo.kommune.no, henta 2. januar 2020 
  3. Lovdata. (12.12.2017). Forskrift om sammenslåing av Oppegård kommune og Ski kommune til Nordre Follo kommune, Akershus
  4. Ellen Margrete Ceeberg (30. mai 2018), «Tandbergløkka til Nordre Follo - Ås kommune», www.as.kommune.no (på norsk), henta 15. september 2020 
  5. «Kommunevåpen», Nordre Follo Kommune (på norsk), henta 14. september 2020 
  6. «Høyeste fjelltopp i hver kommune». Kartverket. 11. februar 2020. Henta 17. februar 2020.