Olav Myklebust
norsk politikar
Olav Myklebust (17. januar 1932–1. november 2011)[1] var ein norsk psykolog, Venstre-politikar og ambassadør.
| Olav Myklebust | |
| Statsborgarskap | Noreg |
| Fødd | 17. januar 1932 |
| Død |
1. november 2011 (79 år) |
| Yrke | politikar, diplomat, psykolog |
| Politisk parti | Venstre |
| Medlem av | Unge Venstre |
Myklebust var oppvaksen på Sunnmøre. Etter cand.psychol-eksamen i 1957 var han stipendiat for Noregs allmennvitskaplege forskingsråd og tilsett ved Norsk Regnesentral. Han byrja ògpå eit doktorgradsarbeid som dels vart utført ved Karolinska Universitetssjukhuset i Stockholm.
Frå 1962 til 1964 var han formann i Unge Venstre og frå 1964 generalsekretær i Venstre.[2] Han arbeidde i utanrikstenesta frå 1968 til 1998 og var norsk ambassadør til Namibia. I 1998 vart han utnemnd til den første norske ambassadøren til Malawi.
Posteringar
endre- 1968: Kontorsjef i det nystarta Direktoratet for utviklingssamarbeid
- 1972: Representant på staden for Norad ved det norske konsulatet i Tanzania (frå 1975 Den norske ambassaden i Tanzania). Han var i alt stasjonert der i tre periodar, sist frå 1985.
- 1989: Ekspedisjonssjef i Norad
- 1992: Norsk ambassadør til Namibia (ambassaden nedlagt 1997). Sideakkreditert til Angola.
- 1998: Den første norske ambassadøren til Malawi.
Kjelder
endre- ↑ Datoar frå «dødsannonse» (PDF). Aftenposten. Arkivert frå originalen (PDF) 29. oktober 2014.
- ↑ Olav Myklebust død i Aftenposten den 12. november 2011.
- Denne artikkelen bygger på «Olav Myklebust» frå Wikipedia på bokmål, den 28. mai 2019.