Olivenmaskepapegøye
Olivenmaskepapegøye (Hapalopsittaca fuertesi) er ein liten, kritisk truga papegøye, endemisk for Colombia med utbreiing i vestsida av sentrale Andes i grenseområdet mellom departementa Quindío, Risaralda og Tolima. Arten var første gongen skildra i 1911, deretter var han ikkje rapportert eller trudd å vere utrydda i ein periode fram til 2002. [1]
| Olivenmaskepapegøye | |
)_(17541216363).jpg) Olivenmaskepapegøye | |
| Utbreiing og status | |
Status i verda:  Utbreiinga av olivenmaskepapegøye | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Klasse: | Fuglar Aves |
| Orden: | Psittaciformes |
| Familie: | Pluvianellidae |
| Slekt: | Hapalopsittaca |
| Art: | Olivenmaskepapegøye H. fuertesi |
| Vitskapleg namn | |
| Hapalopsittaca fuertesi | |
Skildring
endreOlivenmaskepapegøyen er om lag 24 cm lang og veg ca. 124 gram. Dette er ein grøn papegøye med relativt kort hale. Han har indigo vengfjører, krimsonraude skuldrer, og ei blå krone. Nebbet er bleikt elfenbeinfarga med kastanjebrune fjører ved nebbrota. Kjønna er like. Lætet til denne arten er eit ufint 'kraaa'.
Det naturlege habitatet for denne arten er våt, temperert tåkeskog med epifyttar i høgder på 2610 til 3490 moh. Her lever han helst av frukter av tre i sandeltrefamilien, Eremolepidaceae.
Forplantingsbiologien er godt kjend. Arten har hekkeperiode i perioden januar til mai. Dei legg tre eller fire egg som blir ruga av hofuglen i 24 til 26 dagar. Begge foreldre tar omsut for ungane, det tar opptil 65 dagar til ungane kan flyge.
Populasjonen er estimert til mellom 50 og 250 vaksne individ, og er trudd å vere minkande trass vernearbeid og utplassering av fuglekassar for reirplass. Grunnen for svake utviklinga er langvarig avskoging som har ført med seg mangel på tre til reirplass. IUCN har klassifisert arten som kritisk truga, CR.
Kjelder
endre- Denne artikkelen bygger på «Indigo-winged Parrot» frå Wikipedia på engelsk, den 19. april 2015.
- Collar, N., Boesman, P. & Kirwan, G.M. (2014). Indigo-winged Parrot (Hapalopsittaca fuertesi) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2014). Handbook of the Birds of the World Alive. Lynx Edicions, Barcelona. Henta den 19. april 2015
- BirdLife International (2015) Species factsheet: Hapalopsittaca fuertesi. Henta frå http://www.birdlife.org den 19. april 2015
- Referansar
- ↑ American bird conservancy "Missing" South American Parrot Rediscovered After 90 years, Photographed For the First Time Arkivert 2015-04-07 ved Wayback Machine. Henta 19. april 2015