Oliver-Sven Buder

Oliver-Sven Buder (fødd 23. juni 1966), fødd i Steinheidel-Erlabrunn i Tyskland, er ein tidlegare kulestøytar som vann sølvmedaljen i øvinga i EM 1990, VM 1997, EM 1998 og VM 1999. Han representerte Aust-Tyskland til 1990, frå 1991 det samla Tyskland.

Oliver-Sven Buder
Statsborgarskap	Tyskland, Den tyske demokratiske republikken
Fødd	23. juni 1966 (58 år) Erlabrunn
Idrett	friidrett
Tok del i	Sommar-OL 2000, Sommar-OL 1996

Aktiv

200 cm høge Buder markerte seg i kuleringen mest heile perioden 1990-2000. Ved EM 1990 i Split syrgde han for austtysk dobbeltsiger i kulestøyt, Ulf Timmermann vann tevlinga, medan norske Georg Andersen tok bronsen. Så gjekk det sju år før Buder vann medalje att, i VM 1997 i Aten tok han ein ny sølvmedalje, einast John Godina frå USA støytte lengre. Dei neste to sesongane sanka Buder meir sølv, i EM 1998 tok ukrainaren Oleksandr Bahatsj gullet framfor Buder, i VM 1999 stod Cottrell J. Hunter frå USA i vegen for Buder-triumf. I den sistnemnde meisterskapen i Sevilla sette Buder personleg rekord med 21,42 meter. Sitt lengste kulestøyt gjorde han likevel innandørs i Valencia våren 1998, der kula landa på 21,47 m.

Medaljar og plasseringar i internasjonale meisterskap

• EM 1990 i Split: Sølvmedalje – 21,01 m, bakom Ulf Timmermann (21,32 m)
• VM 1991 i Tokyo: Nr 4 – 20,10 m
• VM 1993 i Stuttgart: Nr 7 – 19,74 m
• EM 1994 i Helsinki: Utslått i kvalifiseringa (18,41 m=nr 16)
• VM 1995 i Göteborg: Nr 6 – 20,11 m
• OL 1996 i Atlanta: Nr 5 – 20,51 m
• VM 1997 i Aten: Sølvmedalje – 21,24 m, bakom John Godina (21,44 m)
• EM 1998 i Budapest: Sølvmedalje – 20,98 m, bakom Oleksandr Bahatsj (21,17 m)
• VM 1999 i Sevilla: Sølvmedalje – 21,42 m, bakom Cottrell J. Hunter (21,79 m)
• OL 2000 i Sydney: Nr 8 – 20,18 m
• VM 2001 i Edmonton: Utslått i kvalifiseringa (18,89 m=nr 21)

Kjelder

• Denne artikkelen bygger på «Oliver-Sven Buder» frå Wikipedia på tysk, den 12. august 2019.

• Denne artikkelen bygger på «Oliver-Sven Buder» frå Wikipedia på engelsk, den 12. august 2019.