Paul Winsnes
Paul Winsnes (18. oktober 1794–2. august 1889) var ein norsk prest og stortingsmann frå Drammen.
| Paul Winsnes | |||
 | |||
| Fødd | 18. oktober 1794 Drammen kommune | ||
|---|---|---|---|
| Død | 2. august 1889 (94 år) | ||
| Statsborgar av | Noreg | ||
| Yrke | prest, politikar | ||
| Utdanna ved | Københavns Universitet | ||
| Ektefelle | Hanna Winsnes | ||
| Barn | Maren Winsnes, Jens Henrik Winsnes | ||
| Alle verv |
| ||
Winsnes var fødd i Drammen, der faren hans var kjøpmann. Han vart student i 1812, og cand. theol. to år seinare. I 1814 var han lærar på ein skule i København, reiste heim til Drammen i desember det året. 1816 var han lærar ved Drammen lærde skule, til han same året vart kateket ved 'Vår Frelsars kyrkje' i hovudstaden Kristiania. Frå 1818 var han i tillegg inspektør ved borgar- og realskulen i byen.
År 1819 var Winsnes residerande kapellan i Vang i Hedmark, 1820-22 sokneprest i Trysil. Frå 1822 til 1827 hadde tilsvarande stilling i Hurdal, medan han 1827-30 var sokneprest i Nord-Aurdal. Perioden 1830 til -44 var han sokneprest i Brunlanes; 1838 vart han vald til fyrste ordføraren i Brunlanes. Til sist var han frå 1844 sokneprest i Vang. Medan han var i Vang vart han frå 1864 også stiftsprost i Hamar stift.
Winsnes var stortingsrepresentant frå Jarlsberg og Larviks amt både i 1839, 1842 og 1845. Det siste valet vart godkjent mot 12 røyster (han hadde flytta frå amtet før tingsamlinga kom i gang). I 1839 var han medlem av gasje- og pensjonskomiteen, på dei to neste stortinga var han formann i same komiteen. Han var medlem av Lagtinget i 1842 og 1845. Ved det siste høvet, 1845, var han medlem av riksretten.
Winsnes tok avskjed frå prestestillingane i 1873. Han busette seg då i fødebyen Drammen, der han døydde i 1889.
Winsnes var gift med forfattarinna Hanna Winsnes. Han var brorson av Joachim Winsnes.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Paul Winsnes NSD Norsk senter for forskningsdatas politikararkiv