Paula-Mae Weekes
Paula-Mae Weekes (fødd 23. desember 1958[1]) er ein trinidadisk jurist som var president i Trinidad og Tobago frå 19. mars 2018 til 20. mars 2023. Weekes etterfølgde Anthony Carmona og blei fyrste kvinne i presidentembetet. Ho var også den andre kvinnelege presidenten i Amerika av afrikansk avstamming etter Ertha Pascal-Trouillot.[2][3][4]
| Paula-Mae Weekes | |||
 | |||
| Fødd | 23. desember 1958 (65 år) Port of Spain | ||
|---|---|---|---|
| Statsborgar av | Trinidad og Tobago | ||
| Parti | partilaus | ||
| Yrke | jurist, politikar, advokat | ||
| Utdanna ved | Hugh Wooding Law School University of the West Indies - Cave Hill Campus | ||
| Alle verv |
| ||
Liv og virke
endreBakgrunn
endreWeekes blei fødd i Port of Spain. Etter vidaregåande skulegang ved Bishop Anstey High School i Port of Spain, byrja ho på jusstudium ved University of the West Indies på Cave Hill på Barbados. Ho har bachelorgrad i juss frå der og Legal Education Certificate frå Hugh Wooding Law School i St. Augustine i heimlandet. Ho blei advokat i 1982.[5]
I 2000 var Weekes fellow ved Commonwealth Judicial Education Institute i Halifax i Canada.[6]
Jurist- og dommarkarriere
endreWeekes arbeidde for påtalemakta i elleve år. Frå 1993 var ho privatpraktiserande advokat.[5][7]
I 1996 blei Weekes utnemnd til dommar i High Court. Frå 2005 til 2016, då ho gjekk av med pensjon, var ho appellrettsdommar i høgsterett.[5]
I februar 2017 blei Weeks dommar på Turks- og Caicosøyane, der ho blei innsett som dommar i Turks and Caicos Islands Court of Appeal.[8]
Ved sida av arbeidet som dommar, har Weekes undervist. I åra 2011 til 2016 heldt ho kurs i etikk ved Hugh Wooding Law School.[7] Ho har også vore aktiv innan Organisasjonen for austkaribiske statar.[9]
Den anglikanske kyrkja
endreWeekes har hatt ei leiarrolle i den anglikanske kyrkja, der ho i 20 år har vore kanslar for bispedømmet Trinidad og Tobago i Church in the Province of the West Indies.[10]
President
endreWeekes blei nominert til presidentembetet av statsminister Keith Rowley.[11] Nominasjonen fekk støtte frå opposisjonen og det blei ikkje nominert andre kandidatar.[9] Weekes blei dimed erklært som valvinnar då valforsamlinga møttest.[12] Weekes blei fyrste kvinne vald til embetet som president i Trinidad og Tobago.[13]
Weekes blei innsett i presidentembetet 19. mars 2018.[14] Ho blei etterfølgd av Christine Kangaloo i mars 2023.[15]
Kjelder
endre- ↑ «The President’s Profile», The Office of the President of Trinidad and Tobago. Lese 25. mars 2018.
- ↑ «Paula Mae Weekes, la nouvelle sensation du monde politique caraïbéen». Dofen News (på fransk). 18. juni 2018. Henta 11. mai 2021.
- ↑ «Caribbean Elections – Learning Resources: Electoral Systems in the Caribbean». caribbeanelections.com. Arkivert frå originalen 16 March 2023. Henta 11. mai 2021.
- ↑ «Paula Mae Weekes (1958- ) • BlackPast». BlackPast (på engelsk). 23. september 2018. Henta 1. april 2019.
- ↑ 5,0 5,1 5,2 «Paula Mae Weekes in a nutshell», Newsday, 6. januar 2018. Lese 23. januar 2018.
- ↑ «Fellows», Commonwealth Judicial Education Institute. Lese 23. januar 2018.
- ↑ 7,0 7,1 «What do we know about Paula-Mae Weekes?» Arkivert 18. november 2018 på Wayback Machine., CNC3, 5. januar 2018. Lese 21. januar 2018.
- ↑ «Ms.Paula-Mae Weekes appointed Court of Appeal judge in Turks and Caicos Islands», Turks and Caicos Sun, 27. februar 2017. Lese 23. januar 2018.
- ↑ 9,0 9,1 «T&T elects first female head of state», Jamaica Observer, 19. januar 2018. Lese 23. januar 2018.
- ↑ «From Chancellor to Commander-in-Chief» Arkivert 24. januar 2018 på Wayback Machine., Trinidad & Tobago Guardian, 19. januar 2018. Lese 23. januar 2018.
- ↑ «Paula for President - who is she?» Arkivert 24. januar 2018 på Wayback Machine., Sunday Express, 5. januar 2018. Lese 23. januar 2018.
- ↑ «It’s official: T&T elects first female President» Arkivert 24. januar 2018 på Wayback Machine., Loop, 19. januar 2018.
- ↑ «Trinidad and Tobago’s First Female President Elected» Arkivert 24. januar 2018 på Wayback Machine., Commonwealth Business Communications, 12. januar 2018. Lese 23. januar 2018.
- ↑ «History in the making as T&T's first female president sworn in» Arkivert 20. mars 2018 på Wayback Machine., Loop, 19. mars 2018. Lese 19. mars 2018.
- ↑ Jacob, Roger (21. mars 2023), «Photos of the Day: President Inauguration - Trinidad and Tobago Newsday», newsday.co.tt (på engelsk), henta 23. mars 2024
- Denne artikkelen bygger på «Paula-Mae Weekes» frå Wikipedia på bokmål, den 22. mars 2024.
