Procellaria
Procellaria er ei slekt av fem artar i stormfuglfamilien Procellariidae. Dei er langvenga sjøfuglar som lever pelagisk på den sørlege halvkula.
| Procellaria | |
 Gråpetrell (Procellaria cinerea) Foto: JJ Harrison
| |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Overorden: | Aequornithes |
| Orden: | Stormfuglar Procellariiformes |
| Familie: | Stormfuglfamilien Procellariidae |
| Slekt: | Procellaria Linnaeus, 1758 |
Alla artane ber trivialnamnet «petrell» trass i at dei er nærare i slekt med gruppa lirer. Somme plasserer Procellaria saman med slekta Bulweria i ei gruppe som kallast «Procellaria-petrellar» som i sin tur vert plassert nærare kvalfuglar. Dette er store lirer med samanvaksne røyrforma naseborer på oversida av nebbet. Dei flyg på stive venger med ein effektiv flygeteknikk typisk for lirer. Kvithakepetrell og gråpetrell følgjer ofte skip på Indiahavet og på Sør-Atlanteren. Artane er mykje like og i farvatna der fleire av artane førekjem, til dømes utanfor Ny Zealand kan det vere vanskeleg å identifisere artar.
Procellaria finst i kalde og tempererte farvatn på den sørlege halvkula. Utanom hekketida lever dei eit pelagisk liv. Fjellpetrell er arten som regelmessig søker lengst nord då han overvintrar så langt nord som utanfor Mexico-kysten.
Dei kjem på land på øyar og fuglefjell berre for å hekke. Dei hekkar i jordhòler og legg berre eitt kvitt egg per hekkesesong. Dei lever av fisk, blekksprut, anna pelagisk føde og utkast frå fiskebåtar.
Alle fem artar er meir eller mindre truga, gråpetrell er klassifisert som nær truga av IUCN, dei andre som sårbare.
Artar
endreProcellaria-lirer i rekkjefølgje etter eBird/Clements Checklist v2017[1] med norske namn etter Norske navn på verdens fugler:[2]
- Gråpetrell, Procellaria cinerea, Gray Petrel, Gmelin, 1789, (NT)
- Kvithakepetrell, Procellaria aequinoctialis, White-chinned Petrel, Linné, 1758, (VU)
- Brillepetrell, Procellaria conspicillata, Spectacled Petrel, Gould, 1844, (VU)
- Fjellpetrell, Procellaria parkinsoni, Parkinson's Petrel, Gray, 1862, (VU)
- Westlandpetrell, Procellaria westlandica, Westland Petrel, Falla, 1946, (VU)
Kjelder
endre- Denne artikkelen bygger på «Procellaria» frå Wikipedia på svensk, den 19. september 2009.
Fotnotar
endre- ↑ Schulenberg T.S.; M.J. Iliff; B.L. Sullivan; C.L. Wood; T. A. Fredericks; D. Roberson (august 2017), eBird/Clements Checklist v2017 (CSV), Cornell Lab of Ornithology, henta 1. oktober 2017
- ↑ Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. med oppdateringar i 2017. Norsk Ornitologisk Forening sin nettstad (publisert 21.12.2017)