Raudvengmaursmett
| Raudvengmaursmett | |
 Hannfugl i Horto Florestal de São Paulo, Brasil Foto: Dario Sanches
| |
| Utbreiing og status | |
Status i verda:  Livskraftig Utbreiinga av Raudvengmaursmett | |
| Systematikk | |
| Underrekkje: | Virveldyr Vertebrata |
| Klasse: | Fuglar Aves |
| Underklasse: | Neognathae |
| Overorden: | Neoaves |
| Orden: | Sporvefuglar Passeriformes |
| Familie: | Maurfuglar Thamnophilidae |
| Slekt: | Herpsilochmus |
| Art: | Raudvengmaursmett H. rufimarginatus |
| Vitskapleg namn | |
| Herpsilochmus rufimarginatus | |
Raudvengmaursmett, Herpsilochmus rufimarginatus, er ein liten maursmett i maurfuglfamilien.
Raudvengmaursmett har naturlege habitat i subtropisk eller tropisk tørr skog, i fuktig låglandsskogar, i våt høgland opptil 1150 moh., og tørt buskland. Han finst frå i Panama i nord til Paraguay i sør gjennom landa Argentina, Bolivia, Brasil, Colombia, Ecuador, Peru, Surinam og Venezuela. I Peru lever han i ei smal nord-sør stripe ved foten av austsida av Andes.
Dette er ein fugl på 11,5 cm og han veg ca. 10,5 gram. Hannfuglen har svart krone og stripe gjennom auge, overside og veng er grå og svart med to kvite vengeband. Primærfjørene og nokre sekundærfjører er kraftig raudleg til nøttebrun, strupen nesten kvit og undersida elles lys gul. Hoa liknar, men har raudbrun krone og grønleg overside.
Dei beitar insekt og andre leddyr på bladverk høgt i trekroner, aleine eller i fleirartsflokkar.
Kjelder endre
- Hilty, Steven L. (29. november 2002). Birds of Venezuela. Christopher Helm Publishers Ltd. ISBN 0713664185.
- Schulenberg, T., Stotz, D. Lane, D., O'Neill, J, & Parker, T. Birds of Peru. Christopher Helm, London. (2007) ISBN 978-0-7136-8673-9
- BirdLife International (2014) Species factsheet: Herpsilochmus rufimarginatus. Henta frå http://www.birdlife.org den 21. august 2014.