Ringisfugl
Ringisfugl (Megaceryle torquata) er ein stor medlem av isfuglfamilien som har eit vidt utbreiingsområde i Mellom- og Sør-Amerika.
| Ringisfugl | |
.jpg) Ringisfuglhann | |
| Utbreiing og status | |
Status i verda:  Livskraftig Utbreiinga av Ringisfugl | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Råkefuglar Coraciiformes |
| Familie: | Isfuglfamilien Alcedinidae |
| Slekt: | Megaceryle |
| Art: | Ringisfugl M. torquata |
| Vitskapleg namn | |
| Megaceryle torquata | |
Skildring
endreDenne store isfuglen er 38 centimeter i kroppslengd og veg ca. 300 gram. Det kraftige nebbet er 76 mm langt. Hannar av ringisfuglar har gråblått hovud med sterkt markert fjørtopp, blågrå overside og mørk raudbrun underside. Ein kvit strupe og kvit ring er nesten komplett mot nakken. Hofuglar har eit breitt gråblått band over brystet med eit smalare kvitt band under.[1]
Ringisfuglar lever langs kystane av i Mellom-Amerika, på vestsida så langt nord som litt inn i sørvestlegaste Texas, men ikkje på Yucatánhalvøya. Utbreiingsområdet dekker det meste av Panama og Sør-Amerika, men ikkje Andes over 1500 moh., og ikkje området vest for Andes i Peru. I Chile finst han berre lengst sør, omtrent sør for byen Concepción.[2]
Habitatet kan vere alle område som tilbyr vatn med fisk aller andre vassdyr, samt vertikale jordskrentar der dei kan grave ut tunellar til reirplass. Dei føretrekk ferskvatn i innlandet framføre marine område. Fisk utgjer nesten all føda, dei kan ta krabbar og krepsdyr. Fisken blir kasta opp i lufta slik at han går ned i svelget med hovudet først.[2]
Storleiken på populasjonen er estimert til ca. 20 millionar kjønnsmodne individ og er trudd å vere stabil. Arten er klassifisert som globalt livskraftig.[3]
Kjelder
endre- Referansar
- ↑ Hilty, Steven L. (29. november 2002). Birds of Venezuela. Christopher Helm Publishers Ltd. ISBN 0713664185.
- ↑ 2,0 2,1 Brush, T. (2020). Ringed Kingfisher (Megaceryle torquata), version 1.0. In Birds of the World (red: A. F. Poole). Cornell Lab of Ornithology, Ithaca, NY, USA. https://doi.org/10.2173/bow.rinkin1.01
- ↑ BirdLife International (2021) Species factsheet: Megaceryle torquata. Henta frå http://www.birdlife.org den 14. januar 2021
