Roger Nichols
Roger Scott Nichols (22. september 1944–9. april 2011) var ein amerikansk lydteknikar, produsent og oppfinnar.
| Roger S. Nichols | |||
 | |||
| Fødd | 22. september 1944 | ||
|---|---|---|---|
| Fødestad | Oakland i California i USA | ||
| Død | 9. april 2011 (66 år) | ||
| Dødsstad | Burbank i California i USA | ||
| Fødenamn | Roger S. Nichols | ||
| Alias | «The Immortal» | ||
| Opphav | USA | ||
| Aktiv | 1963–2011 | ||
| Sjanger | Rock, folk, jazz, country | ||
| Tilknytte artistar | Steely Dan, John Denver | ||
| Verka som | Lydteknikar, plateprodusent, oppfinnar | ||
| Gift med | Conrad Reeder | ||
| Prisar | Technical Grammy Award | ||
Nichols er mest kjend for arbeidet sitt med gruppa Steely Dan og John Denver.[1] Han var òg lydteknikar for ei rekkje andre artistar som Beach Boys, Stevie Wonder, Frank Zappa, Crosby, Stills & Nash, Al Di Meola, Rosanne Cash, Roy Orbison, Cass Elliot, Plácido Domingo, Gloria Estefan, Diana Ross, Bela Fleck & the Flecktones, Rickie Lee Jones, Kenny Loggins, Mark Knopfler, Eddie Murphy, Michael McDonald, James Taylor og Toots Thielemans, blant fleire. Nichols vann i alt åtte Grammyprisar for arbeidet sitt.[2]
I 1978 fann Nichols opp ein digital samplingsmaskin kalla Wendel, som vart brukt til å skape somme av trommelydane på Steely Dan-albumet Gaucho, mellom anna på songen «Hey Nineteen.» Denne teknologien er i dag vanleg.[3] Han fann òg opp og produserte ei atomur av rubidium, gjeven ut under selskapet hans Digital Atomics. Føremålet var å gje ei nøyaktig tidtaking for å betre synkronisere digitalt opptakssystem i studio.
I mai 2010 fekk Nichols diagnosen bukspyttkjertelkreft, som han døydde av 9. april 2011.[1]
Grammyprisar
endre- 1977 «Beste lydteknikk, ikkje-klassisk» Steely Dan Aja
- 1978 «Beste lydteknikk, ikkje-klassisk» Steely Dan FM
- 1981 «Beste lydteknikk, ikkje-klassisk» Steely Dan Gaucho
- 1997 Produsent «beste barnealbum» John Denver All Aboard!
- 2000 «Best popvokalalbum» Steely Dan Two Against Nature
- 2000 «Årets album» Steely Dan Two Against Nature
- 2000 «Beste lydteknikk, ikkje-klassisk» Steely Dan Two Against Nature
- 2012 Teknisk spesialpris
Kjelder
endre- Denne artikkelen bygger på «Roger Nichols» frå Wikipedia på engelsk, den 10. januar 2021.
- Wikipedia på engelsk oppgav desse kjeldene:
- ↑ 1,0 1,1 Cromelin, Richard (13. april 2011). «Roger Nichols dies at 66; engineer gave Steely Dan its distinctive sound». Los Angeles Times. Henta 10. januar 2021.
- ↑ «ALLMAN BROTHERS BAND, GLEN CAMPBELL, ANTONIO CARLOS JOBIM, GEORGE JONES, THE MEMPHIS HORNS, DIANA ROSS, AND GIL SCOTT-HERON HONORED WITH THE RECORDING ACADEMY® LIFETIME ACHIEVEMENT AWARD DAVE BARTHOLOMEW, STEVE JOBS AND RUDY VAN GELDER HONORED WITH TRUSTEES AWARD CELEMONY AND ROGER NICHOLS TO RECEIVE TECHNICAL GRAMMY AWARD®». Arkivert frå originalen 16. april 2016. Henta 21. desember 2011.
- ↑ «Roger Nichols Digital Unveils Universal Binary Versions of Pro Tools plug-ins for Intel-based Macintosh Systems»
Bakgrunnsstoff
endre- Offisiell nettstad
- Roger Nichols-diskografi på Discogs