Simeon

Simeon er eit mannsnamn som på hebraisk tyder kjend, vidgjeten. Namnet vert lett blanda saman med «Simon».

Namnet er sjeldant i Noreg. I 2007 var det 48 som hadde namnet Simeon, i 1900 var det 70.

Simeon som bibelsk namn

Mens det er sju personar med namnet Simon i Bibelen, finn vi tre personar med namnet Simeon:

• Simeon, son til Patriarken Jakob og Lea, ein av stamfedrane til Israels tolv ætter, sjå 1. Mosebok 29.33 og 49.5 med fleire.
• Simeon, ein rettvis og gudeleg mann i Jerusalem; møtte Jesusbarnet då Maria bar han fram i tempelet (sjå Kyndelsmesse), omtalt i Evangeliet etter Lukas, 2.25 f.
• Simeon, som vart kalla Niger, ein kristen profet eller lærar i Antiokia, omtalt i Apostelgjerningane 13.1.

Kjende namneberarar

• Simeon II av Bulgaria, den siste tsaren i Bulgaria (1943-1946), som Simeon av Sachsen-Coburg-Gotha statsminister frå 2001 til 2005.

Kjelder

• Olav Veka: Namneboka, Det Norske Samlaget 1991
• Folketeljinga 1900