Smørås

Smørås er ein gard i Fana i Bergen. Han ligg på nordvestsida av Smøråsfjellet mellom Apeltunvatnet og Kalandsvatnet.

Smørås
stad
Land	Noreg
Fylke	Hordaland
Kommune	Bergen
Postnummer	5238 RÅDAL
Gardnummer	48
Ferdselsårer	Smøråsvegen
Smørås 60.302698°N 5.350685°E / 60.302698; 5.350685
Wikimedia Commons: Smørås

Namn

Forstavinga «smør» skal syne til godt beite for kyrna.

Historie

Ein liten del av garden låg under Birkeland kyrkje og etter kvart under Fana kyrkje, men det meste vart bondegods alt tidleg på 1600-talet. Sidan 1892 har garden vore delt i fem bruk, og det er framleis gardsdrift her.

Geografi

Grensene til garden går frå Iglevatnet og sørover langs Nøttveitbekken, Steintræbakken og Steintrælia vidare sørover til Bjørnevatn. Grensa følgjer så ryggen av høgdedraget mellom Smørås og Hamre og nordaustover, nordover og til slutt nordvestover til vestenden av Tranevatnet. Garden grensar til Skjold i nordvest, Nøttveit i vest, øvre og nedre Titlestad, indre Hamre og Hatlestad i sør, Valle og Kirkebirkeland i aust, Lilletvedt i nordaust og Øvsttun i nord.

Andre tydingar

Smørås har gjeve namn til mellom anna:

• Smørås idrettslag
• Smørås skole
• Smøråsvegen

Kjelder

• Gunnar Hagen Hartvedt (2003). Bergen Byleksikon (4 utg.). Oslo: Kunnskapsforlaget. ISBN 82-573-1036-0. 
• Bergenskart - stednavnskart Arkivert 2020-02-17 ved Wayback Machine.