Salomonøyane
Salomonøyane er eit land i det sørlege Stillehavet, aust for Papua Ny-Guinea, og er ein del av det britiske samveldet. Landet er samansett av meir enn 990 øyar.
| Solomon Islands
(norsk: Salomonøyane, salomonsk) | |||||||
|---|---|---|---|---|---|---|---|
| |||||||
| Nasjonalsong | «God Save Our Solomon Islands» | ||||||
| Motto | Engelsk: To Lead is to Serve (Å leie er å tene) | ||||||
| |||||||
| Offisielle språk | Engelsk | ||||||
| Hovudstad | Honiara | ||||||
| Styresett |
Monarki Charles III David Vunagi Jeremiah Manele | ||||||
| Flatevidd – Totalt – Andel vatn |
28 896 km² (141.) 3,2 % | ||||||
| Folketal – Estimert (2017) – Tettleik |
647 581 (165.) 22,4 /km² (159.) | ||||||
| Sjølvstende - Dato |
Frå Storbritannia 7. juli 1978 | ||||||
| Nasjonaldag | 7. juli | ||||||
| BNP – Totalt (2015) – Per innbyggjar |
1 141 mill. USD (183.) 2 100 USD (172.) | ||||||
| Valuta | Salomonsk dollar (SBD) | ||||||
| Tidssone | UTC +11 | ||||||
| Telefonkode | +677 | ||||||
| Toppnivådomene | .sb
| ||||||
Klima
endreØyane har eit tropisk havklima med meir eller mindre dei same vêrforholda året rundt. Temperaturen og fukta er høg, og den daglege temperaturvariasjonen er berre om lag 4-5 °C. Middeltemperaturen for Honiara er 27 °C. Ein har mykje nedbør, 2000-3000 mm i året, og sidan øyane ligg sør for ekvator kjem det mest regn mellom november og april. På enkelte av øyane er der derimot lite variasjon i regnmengda frå månad til månad. Det meste av regnet kjem i korte og intense regnbyger på ettermiddagen, men ein kan ha lengre periodar med regn i dei våtare månadane. Øyane har ein årleg nedbørsnormal på om lag 3000 mm. Landet har ein god del sol, bortsett frå dei våtaste områda som har mykje skyer. Tropiske syklonar oppstår ikkje like ofte her som i Stillehavet nord for ekvator.
