Svana
Svana (frå latin Cygnus) er eit stjernebilde på den nordlege himmelhalvkula. Svana er eit av dei lettast gjenkjennelege stjernebileta og har ein markant asterisme kalla Nordkrossen. Svana var blant dei 48 stjernebileta som astronomen Klaudios Ptolemaios skreiv ned på 100-talet og er i dag eit av dei 88 moderne stjernebileta.
| Svana | |
|---|---|
 | |
| Latinsk namn | Cygnus |
| Forkorting | Cyg |
| Genitivsform | Cygni |
| Symbologi | Opphavleg berre «Fuglen» |
| Rektasensjon | 20,62 h |
| Deklinasjon | +42,03° |
| Areal | 804 kvadratgrader nr. 16 av stjernebilda |
| Stjerner sterkare enn mag. 3 |
4 |
| Sterkaste stjerne | Deneb (α Cyg) (1,25. mag.) |
| Meteorsvermar | |
| Tilgrensande stjernebilde |
|
| Synleg mellom breiddegradane +90° og −40° | |
Svana inneheld Deneb, ei av dei mest lyssterke stjernene på nattehimmelen og eine hjørnet i Sommartrekanten, i tillegg til somme kjende røntgenkjelder og ein enorm stjerne-assosiasjon kalla Cygnus OB2. Ei av stjernene i denne assosiasjonen, NML Cygni, er ei av dei største kjende stjernene ein kjenner til. Stjernebiletet har òg Cygnus X-1, ei fjern røntgenstrålande dobbeltstjerne som består av ei superkjempe og ein usynleg massiv følgjar som var det første objektet ein trudde var eit svart hòl. Mange stjernesystem i Svanen har kjende planetar.
Svana er eit særs stort stjernebilete og grensa til Kefeus i nord og aust, Draken i nord og vest, Lyra i vest, Reven i sør, Pegasus i søraust og Øgla i aust. Dei offisielle grensene til stjernebiletet vart teikna av Eugène Delporte i 1930, og er definert som ein polygon på 28 segment. Det dekkjer 804 kvadratgrader og kring 1,9 % av nattehimmelen. Svana er det 16. største av dei 88 stjernebileta.[1]
Kjelder
endre- Denne artikkelen bygger på «Cygnus (constellation)» frå Wikipedia på engelsk, den 10. juli 2016.
- Wikipedia på engelsk oppgav desse kjeldene:
- ↑ Thompson, Robert; Thompson, Barbara (2007). Illustrated Guide to Astronomical Wonders: From Novice to Master Observer. Sebastopol, California: O'Reilly Media. s. 214–15. ISBN 0596526857.
