Synnøve

Synnøve og Synøve er norske kvinnenamn avleia av det engelske namnet Sunniva, frå gammalengelsk Sunngifu, der sunn tyder 'sol' og gifu 'gåve'.

Politikaren Synnøve Solbakken.

Synnøve og det avleia namnet Synne har namnedag 8. juli, etter minnedagen til den heilage Sunniva.

Bruk

Namna spreidde seg i Noreg på grunn av den heilage Sunniva som døydde på Selja på 900-talet. Dei har vore brukt i Noreg sidan om lag år 1000, og har spreidd seg til resten av Norden og er i bruk på Færøyane, Island og i Sverige, Danmark og Finland. Norske variantar av namnet er Sunni, Synne, Synnev, Synnøv, Sønnev og Sønnøv. Svenske variantar er Sönni, Sönne og Sönneva.

Det er om lag 8 000 norske kvinner som heiter Synnøve eller Synøve, 2 600 som heiter Synne, og 2 920 som heiter Sunniva. Den siste, eldre utgåva av namnet er teke opp att sidan slutten av 1960-talet og fekk ein enorm popularitet som toppa seg rundt år 2000.

Kjende namneberarar

• Synnøve Matre (f. 1951), norsk språkforskar
• Synnøve Solbakken (f. 1957), norsk lokalpolitikar
• Synnøve Svabø, norsk underhaldar
• Sunniva Gylver, norsk prest
• Sunniva Stordal, norsk supermodell
• Synnøve Riste (1858-1889), norsk redaktør, målkvinne og kvinneforkjempar

Bakgrunnsstoff

• Søk etter norsk namnestatistikk for Synnøve hjå Statistisk Sentralbyrå
• Variantar av Sunniva på nordicnames.de

Kjelder

• Spørjekassa om namn ved uio.no Arkivert 2006-10-30 ved Wayback Machine.