Taupo District

	Taupo District
	distrikt
Land	New Zealand
Areal	6 970 km²
Folketal	37 203 (6. mars 2018)
	; Taupo District; 38°52′01″S 176°04′01″E / 38.867°S 176.067°E

Taupo District, der størsteparten ligg i regionen Waikato på Nordøya på New Zealand, dekkjer eit landpområde på 6 350 km², og i tillegg 610 km² innsjøar, både Tauposjøen, den største innsjøen på New Zealand, og den mindre Rotoairasjøen. Distriktet strekkjer seg frå den vesle byen Mangakino i nordvest til nasjonalparken Tongariro National Park i sør, og austover inn i skogområdet Kaingaroa Forest. Størsteparten av innbyggjarane i distriktet bur i dei to største byane, Taupo og Turangi. Administrasjonssenteret til distriktet ligg i byen Taupo.

Lokalstyre

Distriktet er administrert av Taupo District Council, og den største delen av distriktet, 73,74%, ligg i regionen Waikato, byen Rangitaiki (14,31%) ligg i regionen Bay of Plenty, byen Taharua (11,26%) i Hawke's Bay og byen Te More (0,69%) i Manawatu-Wanganui .

Historie

Ein kjenner lite til dei tidlege māoribusetnadane nær Taupo, men Ngāti Tūwharetoa har vore den viktigaste iwi i området i fleire hundre år. Viktige pā låg ved sørenden til innsjøen vest for den moderne byen Turangi.

Byen Taupo vart grunnlagd i 1869 som ein garnisonsby under New Zealand-krigane, men vart seinare verande heller liten på grunn av det skrinne vulkanske jordsmonnet i området. Det var først i 1950-åra at området byrja å utvikla seg med skogdrift og og bygginga av Wairakei geotermiske kraftstasjon.

Busetnad

Byen Taupo ligg ved den nordvestlege breidda til innsjøen, og Turangi ligg ved sørenden.

Riksvegen State Highway 1 snor seg langs austsida av Lake Taupo, og fleire mindre busetnadar ligg langs han. Færre menneske bur langs nord- og vestsidene til sjøen, men der er nokre mindre busetnadar nær Taupo, og vest for Turangi.

Ved folketeljinga i 2006 var folketala:

Taupo: 22 300
Turangi: 3 240
Mangakino: 1 020
Andre (rurale): 5 858
- Total populasjon: 32 418
(Av innbyggjarane i distriktet rekna 26,7 % seg som maoriar^[2])

Austre Tauposjøen, sett frå Turangi mot Taupo.

Referansar

↑ ^1,0 ^1,1 ^1,2 ^1,3 http://nzdotstat.stats.govt.nz/wbos/Index.aspx?DataSetCode=TABLECODE8277.
↑ Statistikk frå Taupo District Council Arkivert 2008-10-14 ved Wayback Machine..

Denne artikkelen bygger på «Taupo District» frå Wikipedia på engelsk, den 1. mars 2009.

Bakgrunnsstoff

Heimeside for Lake Taupo Arkivert 2018-02-04 ved Wayback Machine.
Distriktsstyret si heimeside
Heimeside for Turangi Arkivert 2012-05-05 ved Wayback Machine.

[wikidata-75d8b9013211664366a77cf2e76e980d1985915b-v4-1] 1,0 ^1,1 ^1,2 ^1,3 http://nzdotstat.stats.govt.nz/wbos/Index.aspx?DataSetCode=TABLECODE8277.

[2] Statistikk frå Taupo District Council Arkivert 2008-10-14 ved Wayback Machine..

[1]

[2]