Thomas Eidem
Bastian Thomas Laurits Johannesson Eidem (31. januar 1859–1954) var ein norsk lærar, ordførar og stortingsmann frå Sykkylven. På Stortinget representerte han Venstre og mellom anna Tromsø by.
| Thomas Eidem | |||
 | |||
| Fødd | 31. januar 1859 Sykkylven kommune | ||
|---|---|---|---|
| Død | 22. mars 1954 (95 år) | ||
| Statsborgar av | Noreg | ||
| Parti | Venstre | ||
| Yrke | politikar | ||
| Alle verv |
| ||
Foreldra var gardbrukarar. Sjølv tok han eksamen ved Tromsø seminar i 1877 og mellomskuleeksamen i 1881. Han var lærar i Lenvik 1877-79 og ved ein privatskule i Nannestad 1881-83. Frå 1884 til -92 var han styrar av ein privat mellomskule i Harstad, sidan 1892 var han lærar i Tromsø i ti år. Han underviste ved Tromsø lærarskule frå 1902 til -18. Åra 1919-26 var han borgarmeister i Troms. Den lange perioden 1912 til 1938 administrerte han hypotekbanken sitt lånekontor i Tromsø.
Eidem var formann i Tromsøs vinstrelag 1894-1925 og 1928-30. Han fekk plass i bystyret i Tromsø i 1896, perioden 1898-1919 var han medlem av formannskapet. Han var ordførar i byen 1900-1904, 1906 og 1910-13. 1928-31 var han atter medlem av Tromsø bystyre. Elles var han formann i Tromsø lærarforeining og i Troms lærarforeining. Han var og styremedlem av Det Norske Teatret frå 1915, formann 1917-18.
Eidem var med å skipe det første regionale mållaget i Nord-Noreg, Nordmannalaget, som var ein forløpar for Finnmark mållag. På skipingsmøtet 16. juli 1899 blei han vald til formann i laget.
I dei to valbolkane mellom 1913 og -18 representerte Eidem Tromsø krins og Venstre på Stortinget, heile vegen medlem av sosialkomiteen. Perioden 1925-27 var han 3. representant for Venstre og den samanslegne bykrinsen Bodø, Narvik, Tromsø, Hammerfest, Vardø og Vadsø. Han var då nestformann i justiskomiteen.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914