Tord André Lien
Tord André Lien (fødd 10. september 1975) er ein norsk politikar frå Framstegspartiet frå Øksnes i Nordland. Frå 2005 til 2013 var Lien representant på Stortinget, dinest blei han olje- og energiminister i regjeringa Solberg 2013–2016. Sidan mai 2024 har Lien vore tilsett som direktør for eksterne relasjonar i TrønderEnergi.
| Tord André Lien | |||
 Foto: FrPMedia | |||
| Fødd | 10. september 1975 (49 år) Øksnes kommune | ||
|---|---|---|---|
| Statsborgar av | Noreg | ||
| Parti | Framstegspartiet | ||
| Yrke | politikar | ||
| Utdanna ved | Universitetet i Nordland Noregs teknisk-naturvitskaplege universitet | ||
| Verv | Norsk olje- og energiminister 16. oktober 2013–20. desember 2016 | ||
| Føregangar | Ola Borten Moe | ||
| Etterfylgjar | Terje Søviknes | ||
| Verv | Stortingsrepresentant 1. oktober 2005–30. september 2013 | ||
| Alle verv |
| ||
Liv og virke
endreBakgrunn
endreTord André Lien har studert historie og statsvitskap og er cand.philol. frå NTNU 2003. Han leidde eit team som dreiv med møtebooking via telefon i Norsk Privatøkonomi frå 2003.
Frå 2003 til 2005 leidde han Sør-Trøndelag volleyballkrets. Han har også vore volleyballtrenar.
I 1995 blei Lien dømd til 35 dagars fengsel for overskriding av ei fartsgrense på vått føre som ende med ein bilulykke med ein motorsykkel.[1]
Politisk karriere
endreLien var medlem av Trondheim bystyre 2003–2005, leiar av Trondheim FpU 1997–1999 og Trondheim FrP 1999–2003 og 2008-2009. Han hadde fast plass på Stortinget for Sør-Trøndelag fylke frå 2005 til 2013. Lien var olje- og energiminister i regjeringa Solberg frå 16. oktober 2013 til 20. desember 2016.
Stortingskomitear
endre- 2005–2009: medlem i energi- og miljøkomiteen
- 2009–2013: andre nestleiar i kyrkje-, utdannings- og forskingskomiteen
Andre yrke
endreFrå januar 2017 til desember 2022 var Lien tilsett som regiondirektør for NHO i Trøndelag.[2]
Den 1. mai 2024 blei Lien tilsett som direktør for eksterne relasjonar i TrønderEnergi.[3]
Kjelder
endre- ↑ Lars Joakim Skarvøy, Ingeborg Huse Amundsen & Tim Peters. «Statsråd Tord Lien måtte i fengsel etter alvorlig trafikkulykke: - Krevende å leve med» (på norsk bokmål). Verdens Gang. Henta 8. september 2024.
- ↑ «Fra statsrådsjobb til NHO Trøndelag», www.nho.no (på norsk), henta 6. januar 2020
- ↑ «Tord Lien til TrønderEnergi» (på norsk bokmål). TrønderEnergi. Henta 8. september 2024.
Bakgrunnsstoff
endre- Framstegspartiet - Biografi Arkivert 2016-03-10 ved Wayback Machine.