Tore O. Sandvik
Tore Onshuus Sandvik (fødd 31. august 1969) er ein norsk politikar frå Arbeidarpartiet, oppvaksen på Kolstad i Trondheim. Sidan 4. februar 2025 har han vore forsvarsminister i Støre-regjeringa.[1] Før det var han konstituert som klima- og miljøminister i regjeringa Støre medan Andreas Bjelland Eriksen har foreldrepermisjon frå 2. september 2024 til 31. desember 2024.[2]
| Tore O. Sandvik | |||
 Foto: Jarle Vines | |||
| Fødd | 31. august 1969 (55 år) Trondheim | ||
|---|---|---|---|
| Statsborgar av | Noreg | ||
| Parti | Arbeidarpartiet | ||
| Yrke | politikar | ||
| Utdanna ved | Noregs teknisk-naturvitskaplege universitet | ||
| Alle verv |
| ||
Politisk karriere
endreFylkesordførar
endreHan er tidlegare fylkesordførar i Trøndelag fylke, og var den siste fylkesordføraren i Sør-Trøndelag fylke. Han vart vald til fylkesordførar i 2003, og vart vald på nytt ved lokalvalet i 2007 etter at Arbeidarpartiet gjekk fram med 10,5 prosentpoeng til 41,3 prosent i fylkestingsvalet i Sør-Trøndelag.
Som fylkesordførar har Sandvik særleg vore oppteken av regional næringspolitikk, og har mellom anna vore med-initiativtakar til næringspolitisk regionalsamarbeid med Kina, og det bedriftsretta programmet «Innflagging Trøndelag». Han har også styrkt samarbeidet mellom styresmakter og NTNU, SINTEF og næringsliv i trøndelagsregionen.
Statssekretær
endreSandvik har vore statssekretær to gongar: Nærings- og handelsdepartementet (2000–2001) og Nærings- og fiskeridepartementet (2023–2024).[2]
Andre verv
endreSandvik har vore prosjektdirektør i IT-selskapet Extend AS. Før dette var han ungdomssekretær i LO i Sør-Trøndelag og visepresident i europeisk LO sin ungdomsorganisasjon, ETUC Youth.
Sandvik gav i 2004 ut boka Et nytt nei saman med partifellane Wegard Harsvik, Jo Stein Moen og Anne Marit Bjørnflaten.
Kjelder
endre- ↑ «Forsvarsminister Tore O. Sandvik (Ap)» (på norsk bokmål). Forsvarsdepartementet. Henta 8. februar 2025.
- ↑ 2,0 2,1 «Klima- og miljøminister Tore Onshuus Sandvik (Ap)» (på norsk bokmål). Klima- og miljødepartementet. Henta 13. september 2024.
- Denne artikkelen bygger på «Tore O. Sandvik» frå Wikipedia på bokmål, den 1. oktober 2011.
Bakgrunnsstoff
endre