Trine Skymoen
Trine Skymoen (fødd 24. september 1959 i Skodje) er ein norsk diplomat. Ho har vore norsk ambassadør til Slovakia, Sør-Afrika og frå 2020 til Ungarn.
| Trine Skymoen | |
| Statsborgarskap | Noreg |
| Fødd | 24. september 1959 (64 år) Skodje |
| Yrke | diplomat, statsvitar |
Karriere endre
Skymoen er utdanna cand.polit. i statsvitskap med hovudfag i administrasjon og organisasjonsvitskap frå Universitetet i Bergen. Etter endt utdanning byrja ho i 1986 som aspirant i Utanriksdepartementet.[1]
Skymoen hadde si fyrste utanlandsstasjonering i Elfenbeinskysten (1988–1991) og var deretter ved den norske delegasjonen til SN i New York (1991–1994). Frå 1994 til 1996 var Skymoen chargé d'affaires ad interim ved den norske ambassaden i Beograd i det som då var Den føderale republikken Jugoslavia. Skymoen var deretter frå 1996 tilbake i Oslo som rådgjevar i departementet før ho i 1998 blei utnemnd til ambassaderåd ved Den norske delegasjonen til OSSE i Wien. Ho blei i 2001 forfremma til ministerråd same stad.[2] Frå 2003 til 2005 var ho seniorrådgjevar ved Statsministerens kontor, frå 2005 til 2008 var ho i leiinga for avdelinga for tryggleiksspolitikk og nordområda i Utanriksdepartementet og 2008 til 2009 var hun seniorrådgjevar i avdelinga for SN og globale spørsmål. I 2008 gjennomgjekk ho Forsvarets høgskole.
Skymoen blei i 2009 utnemnd til norsk ambassadør i Bratislava i Slovakia.[3] Etter ein periode som fagdirektør, blei Skymoen i juni 2014 utnemnd til ambassadør i Sør-Afrika.[4] I november 2014 følgde sideakkreditering til Botswana.[5] Ho hadde også ansvar for Lesotho, Madagaskar og Namibia.[6]
Etter ein periode som seniorrådgjevar, blei Skymoen i april 2020 utnemnd til ambassadør i Ungarn.[7]
Utmerkingar endre
I 2010 utnemnde kong Harald V 2010 Skymoen til riddar av 1. klasse av Den Kongelege Norske Fortenesteordenen «for embetsforteneste».[8]
Kjelder endre
- ↑ «Aspiranter til UD», Aftenposten, 23. juni 1986, s. 10.
- ↑ Offisielt fra statsråd, regjeringen.no, 2. mars 2001.
- ↑ Offisielt fra statsråd 6. mars 2009, regjeringen.no.
- ↑ Offisielt frå statsrådet 20. juni 2014, regjeringen.no Lest 23. november 2014.
- ↑ Offisielt frå statsrådet 14. november 2014, regjeringen.no Lest 23. november 2014.
- ↑ Norges ambassadører, regjeringen.no Lest 23. november 2014.
- ↑ kontor, Statsministerens (3. april 2020). «Offisielt frå statsrådet 3. april 2020». Regjeringa.no. Henta 13. juli 2020.
- ↑ Tildeling av ordener og medaljer: Søk i arkivet, kongehuset.no.
- Denne artikkelen bygger på «Trine Skymoen» frå Wikipedia på bokmål, den 19. mars 2024.
Bakgrunnsstoff endre
- Curriculum Vitae of the Ambassador Arkivert 18. mai 2010 på Wayback Machine., Den norske ambassaden i Slovakia.