Skodje kommune

	Skodje kommune
	kommune
	Kommunevåpen
	Kommunevåpen
Land	Noreg
Fylke	Møre og Romsdal
Adm.senter	Skodje
Areal	120 km²
• land	111 km²
• vatn	9 km²
Målform	nynorsk
Ordførar	Dag Olav Tennfjord (H)
Kommunenr.	1529
	; Skodje kommune; 62°30′58″N 6°41′59″E / 62.516111111111°N 6.6997222222222°E
	Kart som viser Skodje kommune. Kart som viser Skodje kommune.
	Wikimedia Commons: Skodje (former municipality)
	Nettstad: www.skodje.kommune.no

Skodje (uttalt Skøye) er ein tidlegare norsk kommune på Sunnmøre i Møre og Romsdal. Han grensa mot Haram kommune i nord, Ørskog kommune i aust og Ålesund kommune i vest. Over Storfjorden mot sør låg Sykkylven kommune. 1. januar 2020 vart Skodje ein del av nye Ålesund kommune.

Geografi

Skodjebruene

Foto: Frode Inge Helland

Solnør gard i Skodje

Foto: Halvor Vreim/Riksantikvaren

Skodje kyrkje

Foto: Jarle Vines

Næringsliv

Kommunen har hovudsakleg jord- og skogbruk, men det er òg trevare- og møbelindustri og annan industri der, delvis flytta dit frå Ålesund. E39 og E136 går samanfallande gjennom kommunen. Skodje har ein ung aldersprofil; om lag 60 % av innbyggjarane er under 40 år.

Historikk

Skodje er både ein tidlegare og noverande sjølvstendig kommune.

Frå 1837 var Skodje ein del av Borgund formannskapsdistrikt, men blei etablert som eigen kommune ved frådeling i 1849. Den nyoppretta kommunen hadde 2 170 innbyggjarar.
Skodje og Vatne låg i 1589 under Borgund prestegjeld og blei eige prestegjeld frå 1. mai 1858 etter kongeleg resolusjon 12. januar 1858.
1. januar 1902 blei Skodje delt og Vatne etablert som eigen kommune med 1 547 innbyggjarar. Skodje hadde 1 551 innbyggjarar etter delinga.
1. januar 1916 blei ein del av Skodje med 14 innbyggjarar overført til Borgund kommune.
1. januar 1965 blei Skodje slått saman med Stordal og Ørskog til den nye Ørskog kommune. Skodje hadde 2 047 innbyggjarar då han opphøyrde som eigen kommune.
1. januar 1977 blei Ørskog kommune delt i tre: Skodje, Stordal og Ørskog kommunar. Då Skodje gjenoppstod som sjølvstendig kommune, var innbyggjartalet 2 634.
19. april 2006 blei Kanal Skodje innvigd av ordføraren.
27.april 2006 blei Skodje kommune internasjonal kommune. Voi kommune i Kenya er Skodje sin venskapskommune.
27. september 2007 vart miljøgata gjennom Skodje sentrum opna.

Folketalsutvikling

Folketalsutvikling for Skodje kommune frå 1902:

1.1.1902^[1]	1910^[2]	1.12.1920^[3]	1.12.1930^[4]	3.12.1946^[4]	1.1.1951^[5]	1.1.1961^[5]	1.1.1981^[5]	1.1.1991^[5]	1.1.2001^[5]	1.1.2010^[5]
1551^a	1541^a	1584	1561	1762	1781	2000	2930	3340	3533	3944

^aDette talet omfattar eit område som var del av Skodje kommune fram til 1916, då det vart overført til gamle Borgund kommune. Dette området hadde då 14 innbyggjarar.

Tusenårsstad

Kommunen sin tusenårsstad er Tusenårsparken rundt Jentekolonien. Jentekolonien er ein gamal feriekoloni for jenter, som for inntil få år sidan ikkje blei tatt vare på. Skodje Lions starta ein dugnad for bygget, og det er no gjort om til eit hus for kultur og arrangement i kommunen.

Rundt bygningen er Tusenårsparken bygd opp. Her står det blant anna eit bronserelieff av krigshelten Herluf Nygaard. I «statsministerlunden» har blant andre både Kjell Magne Bondevik og Jens Stoltenberg planta kvart sitt tre. Her står òg venskapstreet som er planta av vennskapskommunen Voi i Kenya. I parken ligg òg det gamle kornlageret, som var utgangspunktet for det som seinare blei den lokale banken.

Kjende personar frå Skodje

Ludvig Daae, embetsmann, stortingsrepresentant og minister
Herluf Nygaard, krigshelt
Magne Fremmerlid, operasongar
Ottar Nevstad, prest
Gunnar Hamnøy, predikant
Harald Halvorsen, kaptein

Kjelder

↑ Dag Juvkam, Historisk oversikt over endringer i kommune- og fylkesinndelingen (SSB, 1999)
↑ "Hjemmehørende folkemengde Møre og Romsdal 1801-1960 Arkivert 2007-02-23 ved Wayback Machine. frå Registreringssentral for historiske data
↑ Statistisk årbok for kongeriket Norge 40de årgang, 1920 (Det statistiske centralbyrå, 1921)
↑ ^4,0 ^4,1 Statistisk årbok for Norge 69. årgang, 1950 (Statistisk sentralbyrå, 1950)
↑ ^5,0 ^5,1 ^5,2 ^5,3 ^5,4 ^5,5 Folkemengd i Skodje 1. januar kvart år frå 1951, frå Statistisk sentralbyrå

Bakgrunnsstoff

Skodje kommune Arkivert 2014-03-09 ved Wayback Machine.

Denne geografiartikkelen er ei spire. Du kan hjelpe Nynorsk Wikipedia gjennom å utvide han.

[Juvkam-1] Dag Juvkam, Historisk oversikt over endringer i kommune- og fylkesinndelingen (SSB, 1999)

[historisk-2] "Hjemmehørende folkemengde Møre og Romsdal 1801-1960 Arkivert 2007-02-23 ved Wayback Machine. frå Registreringssentral for historiske data

[ssb1920-3] Statistisk årbok for kongeriket Norge 40de årgang, 1920 (Det statistiske centralbyrå, 1921)

[ssb1950-4] 4,0 ^4,1 Statistisk årbok for Norge 69. årgang, 1950 (Statistisk sentralbyrå, 1950)

[ssb-5] 5,0 ^5,1 ^5,2 ^5,3 ^5,4 ^5,5 Folkemengd i Skodje 1. januar kvart år frå 1951, frå Statistisk sentralbyrå

[1]

[2]

[3]

[4]

[5]