Ocreatus
Ocreatus er ei biologisk slekt av små kolibriar med tre medlemmer som samla har eit leveområde langs Andes frå Venezuela, gjennom Colombia, Ecuador, Peru til Bolivia. Slekta er ein del stammen Heliantheini, «briljantar», i underfamilien Lesbiinae.
| Ocreatus | |
.jpg)
| |
| Utbreiing | |
_map.svg) Utbreiinga av Ocreatus | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Seglarfuglar Apodiformes |
| Familie: | Kolibriar Trochilidae |
| Underfamilie: | Trochilinae |
| Stamme: | Heliantheini |
| Slekt: | Ocreatus Gould, 1846 |
| Artar | |
| Vimpelkolibri Peruvimpelstjert Inkavimpelstjert | |
Namnet Ocreatus er latinsk med (overført) tyding «har på seg støvlar», refererer til at tarsus er dekt med kvite eller oransje fjørduskar.[1]
Skildring
endreOcreatus er tre kolibriartar med sær utforming av halen som lever i Andes-regionane, frå Venezuela til Bolivia. Hannfuglane har metallisk grøn kropp, svarte venger og ein imponerande lang hale med utvida sentrale fjører forma som «rekkertar». Hoene har derimot kvite undersider med grøne flekker og manglar den forseggjorde rekkerthalen. Både hannar og hoer har lodne kvite eller oransje-raudbrune fjører rundt tarsen.
Arten trivst i fuktig til våte skogskantar på midthøgder i Andesfjella, typisk lever dei våte skogsoner i subtropiske og tempererte regionar. Den høgaste konsentrasjonen av desse fuglane er vanlegvis mellom 1600 og 2200 meter over havet.
Hannane er 11–15 cm lange, inkludert dei langstrekte halefjørene, hoene er mindre, måler 7,6–9 cm.
Dei tre artane i Ocreatus er kjenneteikna av variasjonar i farge og i utforming av halen. Vimpelkolibri har til dømes kvite fjørtufsar rundt beina, dei andre har oransje. Grad av flekking på undersida hos hoer, halelengder og plassering av «rekkertar» varierer med art og underart.
Desse kolibriane søkjer føde i ulike høgder i skogen, omtrent frå 6 til 18 meter over bakken.
Galleri
endre-
Peruvimpelstjert, Ocreatus peruanus, hannfugl -
Peruvimpelstjert, Ocreatus peruanus, hoe -
Inkavimpelstjert, Ocreatus addae, hann
_JCB.jpg)
,_Paucartambo,_Peru.jpg)
Artslista
endreHjå dei meste kjente taksonomi-autoritetar var taksonet Ocreatus monotypisk med ein art, vimpelkolibri (Ocreatus underwoodii) fram til nyleg. Ocreatus i rekkjefølgje etter IOC World Bird List V13.1, 2023,[2] med norske artsnamn etter Norske navn på verdens fugler.[3]
- Vimpelkolibri, Ocreatus underwoodii, White-booted racket-tail, (Lesson, RP, 1832), (LC)
- Peruvimpelstjert, Ocreatus peruanus, Peruvian racket-tail, (Gould, 1849)
- Inkavimpelstjert, Ocreatus addae, Rufous-booted racket-tail, (Bourcier, 1846)
Kjelder
endre- García, N. C., K.L. Schuchmann, and P. F. D. Boesman (2022). White-booted Racket-tail (Ocreatus underwoodii), version 1.0. In Birds of the World (B. K. Keeney, Editor). Cornell Lab of Ornithology, Ithaca, NY, USA. https://doi.org/10.2173/bow.boorat1.01
- García, N. C., K.L. Schuchmann, and P. F. D. Boesman (2022). Peruvian Racket-tail (Ocreatus peruanus), version 1.0. In Birds of the World (B. K. Keeney, Editor). Cornell Lab of Ornithology, Ithaca, NY, USA. https://doi.org/10.2173/bow.boorat2.01
- García, N. C., K.L. Schuchmann, and P. F. D. Boesman (2022). Rufous-booted Racket-tail (Ocreatus addae), version 1.0. In Birds of the World (B. K. Keeney, Editor). Cornell Lab of Ornithology, Ithaca, NY, USA. https://doi.org/10.2173/bow.rubrat1.01
- ↑ Jobling, James A (2010). The Helm Dictionary of Scientific Bird Names. London: Christopher Helm. s. 279. ISBN 978-1-4081-2501-4.
- ↑ Gill, Frank; Donsker, David; Rasmussen, Pamela, red. (January 2023). «Hummingbirds». IOC World Bird List Version 13.1. International Ornithologists' Union. Henta 15. mai 2023.
- ↑ Norsk navnekomité for fugl (NNKF). «Norske navn på verdens fugler». Birdlife Norge. Henta 15. mai 2023.
