Vincent Bueno
Vincent Bueno (fødd 10. desember 1985 i Wien) er ein austerriksk songar med filippinsk bakgrunn. Han vart nasjonalt kjend i januar 2008, då han vann talenttevlinga Musical! Die Show i regi av den austerrikske kringkastaren ORF.[1] Bueno har òg hatt fleire show og konsertar på Filippinane, og har vore oppvarmingsartist for den filippinske songaren Sarah Geronimo.[2] Sidan har han etablert seg som artist på Filippinane, og har platekontrakt gjennom Star Records, eit underhaldningsselskap under ABS-CBN.[3] Bueno skulle ha representert Austerrike i Eurovision Song Contest 2020 i Rotterdam i Nederland med songen «Alive», men tevlinga vart avlyst på grunn av koronaviruspandemien i Europa vinteren 2020.[4] Han representerte Austerrike i Eurovision Song Contest 2021 med låten «Amen».[5]
| Vincent Bueno | |||
 | |||
| Fødd | 10. desember 1985 (39 år) | ||
|---|---|---|---|
| Fødestad | Wien | ||
| Opphav | Austerrike, Filippinane | ||
| Aktiv | 2008– | ||
| Sjanger | klassisk musikk, moderne R&B | ||
| Instrument | vokal | ||
| Stemmetype | tenor | ||
| Plateselskap | Star Music | ||
| Verka som | songar, komponist | ||
Bakgrunn
endreBueno starta å danse som fireåring og var tidleg i gang med musikk.[6] Faren var ein tidlegare songar og gitarist i eit lokalt musikkband i 1970-åra. Bueno laga eigne songar og tok kurs innan drama, dans og song og studerte musikk og utøvande kunst ved Wiens private musikk- og kunstuniversitet.
I 2008 vann Bueno den TV-sende talenttevlinga Musical! Die Show på den austerrikske kringkastingskanalen ORF. Sigeren gjorde han kjend i Austerrike, og sidan har han dukka opp i ulike musikk- og teateroppsetjingar. I 2009 deltok han i ORF-programmet Dancing Stars, den austerrikske versjonen av Skal vi danse. I 2016 deltok han òg i den austerrikske uttakinga til Eurovision Song Contest med songen «All We Need Is That Love».
I kjølvatnet av artistkarrieren i Austerrike, lanserte han òg ein karriere på Filippinane, blant anna som deltakar i musikkshowet ASAP XV i 2010 og med platekontrakt med selskapet Star Records.
I 2019 valde kringkastaren ORF Bueno til Austerrike sin representant til Eurovision Song Contest 2020 i Rotterdam. Han skulle ha delteke med songen «Alive», men på grunn av koronavirusutbrotet vinteren 2020 vedtok EBU å avlyse Eurovision Song Contest.[7] Dette vart gjort for å hindra spreiing av koronaviruset SARS-CoV-2 og den medfølgjande sjukdomen covid-19 i Europa. 29. mars kunngjorde den austerrikske kringskastaren ORF at Bueno i staden fekk representere Austerrike i Eurovision Song Contest 2021 med låten «Amen».[8] Han vart slått ut i den andre semifinalen torsdag 20. mai i Rotterdam Ahoy.[9]
Diskografi
endreStudioalbum
endre- 2008: Step by Step
- 2016: Wieder leben
- 2018: Invincible
- 2020: On the Run
Singlar
endreKjelder
endre- ↑ www.pep.ph/guide, Filipino singer Vincent-Bueno sweeps Europe off its feet in Musical!
- ↑ www.youtube.com, Vincent Bueno sings @ Sarah Geronimo's concert in Vienna
- ↑ «PEP.ph Vincent Bueno is slated to do an album for Star Records». Arkivert frå originalen 24. september 2015. Henta 12. desember 2019.
- ↑ Granger, Anthony (20. mars 2020). «Belgium: Hooverphonic Will Compete At Eurovision 2021» (på engelsk). Henta 20. mars 2020.
- ↑ «Vincent Bueno - Austria - Rotterdam 2021» (på engelsk). Henta 28. februar 2021.
- ↑ www.youtube.com, Vincent Bueno
- ↑ «Austria picks Vincent Bueno for Rotterdam 2020». eurovision.tv. 12. desember 2019. Henta 12. desember 2019.
- ↑ Svendsen, Maiken (18. mars 2020). «Eurovision Song Contest avlyst» (på norsk bokmål). Henta 20. mars 2020.
- ↑ «Eurovision 2021 Semi-final 2 Results». Henta 22. mai 2021.
- Denne artikkelen bygger på «Vincent Bueno» frå Wikipedia på bokmål, den 6. desember 2021.