William Van Dijck

William Van Dijck (fødd 24. januar 1961) er ein belgisk tidlegare 3 000-meter-hinderløpar som i 1987 vann bronsemedaljen i verdsmeisterskapen og i 1994 ein medalje av same valør i europameisterskapen.

William Van Dijck
Statsborgarskap	Belgia
Fødd	24. januar 1961 (63 år) Leuven
Idrett	friidrett
Tok del i	Sommar-OL 1992, Sommar-OL 1988, Sommar-OL 1984

Aktiv

Van Dijck sette i 1983 sin fyrste belgiske rekord på 3 000 meter hinder. Same året vann han den fyrste av ni belgiske meistertitlar i øvinga. Ved europameisterskapen 1986 i Stuttgart vart han femtemann med tida 8.20,1. Ei veke seinare sprang han i Brussel inn til siger på 8.10,0, hans åttande og siste landsrekord.

Under verdsmeisterskapen 1987 i Roma sette italienaren Francesco Panetta avgarde i høgt tempo og sprengde feltet. Favorittane frå Kenya la seg lenger bak og nådde ikkje fram til innspurten. Austtyske Hagen Melzer kom i mål nest Panetta og tok sølvmedaljen, medan Van Dijck med 8.12,1 sikra seg bronsen.

I sin siste store meisterskap, europameisterskapen 1994, spurta Van Dijck inn til ein ny bronsemedalje. Einast italienarane Alessandro Lambruschini og Angelo Carosi sprang fortare.

Van Dick la opp i 1997.

Medaljar og plasseringar i internasjonale meisterskap

• VM 1983 i Helsinki: Utslått i semifinalane (8.39,0=nr 22)
• OL 1984 i Los Angeles: Utslått i semifinalane (8.23,0=nr 14)
• EM 1986 i Stuttgart: Nr 5 – 8.20,1
• VM 1987 i Roma: Bronsemedalje – 8.12,1
• OL 1988 i Seoul: Nr 5 – 8.13,9
• EM 1990 i Split: Nr 5 – 8.21,7
• VM 1991 i Tokyo: Nr 9 – 8.30,4
• OL 1992 i Barcelona: Nr 9 – 8.22,5
• EM 1994 i Helsinki: Bronsemedalje – 8.24,8

Kjelder

• Denne artikkelen bygger på «William Van Dijck» frå Wikipedia på tysk, den 14. juli 2020.