Åmot i Vinje

Åmot er ein tettstad og administrasjonssenteret i Vinje kommune i Telemark i Vestfold og Telemark fylke. Tettstaden ligg like ved europaveg 134 og har 669 innbyggjarar per 1. januar 2017. Namnet Åmot tyder «elvemøte» ettersom tettstaden ligg der Vinjeåi renn ut i elva Tokke, som går vidare til innsjøen Bandak. Om lag 25 kilometer sør ligg Dalen i Tokke kommune.

Åmot
tettstad
Bussmøte i Åmot i Vinje.
Land	Noreg
Fylke	Vestfold og Telemark
Kommune	Vinje
Areal	1,1 km²
Folketal	669 (2017)
Folketettleik	608 / km²
Postnummer	3890 VINJE
Preposisjon	i Åmot
Åmot 59°34′18″ N 7°59′18″ E
Wikimedia Commons: Åmot, Vinje

Åmot er eit knutepunkt for vegnettet i Vest-Telemark. Her møtest europaveg 134 (Haugesund–Drammen), fylkesveg 37 (Åmot–Tinn–Kongsberg) og fylkesveg 38 (Åmot–Dalen–Kragerø). Bussruta Haukeliekspressen Haugesund–Oslo går gjennom Åmot.

Åmot har barnehage og grunnskule. Tettstaden er eit lokalt handelssenter for området, med ei rekkje butikkar. Næringslivet elles femner eit turisthotell og verksemder innan trevare- og verkstadindustri.