Øya Kinn
Kinn er ei øy som ligg vest for Florø i Vestland. Øya Kinn var opphavleg ein del av Kinn kommune, men vart etter kommunesamanslåinga i 1964 innlemma i Flora kommune. Frå 1. januar 2020 er ho igjen ein del av Kinn kommune.
| Øya Kinn | |
|---|---|
 Den særmerkte fjellformasjonen Kinnaklova sett frå kyrkjegarden ved Kinn kyrkje Foto: Hjorthefoto
| |
| Geografi | |
| |
| Stad | Sunnfjord |
| Koordinatar | 61°33′34″N 04°45′19″E / 61.55944°N 4.75528°E
|
| Areal | 2,5 km²
|
| Høgaste punkt | 315 moh. |
| Administrasjon | |
| Land |  Noreg
|
| Fylke | Vestland
|
Kinn kyrkje har lange tradisjonar knytte til seg, truleg heilt attende til år 1150. Eit eige spel, Kinnaspelet, er skrive om Kinn og kyrkja der.
Kulturminne på Kinn
endreKulturminneskilt
endre
I 2014 vart det sett opp kulturminneskilt på Kinn. Det eine skiltet står på kaia, og det andre skiltet står i starten av turløypa på søraustsida av Kinn. Ved kulturminna som ligg langs stien på sørsida av Kinn, er det sett opp små skilt med eigne QR-kodar. Teksten på skilta på kaia er utarbeidd av Flora historielag, medan teksten på skiltet på søraustsida er utarbeidd av Sogn og Fjorande fylkeskommune.[1][2]
Folketalsutvikling
endreFolketalsutvikling for øya Kinn
| 1801[3] | 1900[4] |
|---|---|
| 32 | 91 |
Kinn prestegjeld
endreKinn var fram til 2004 eit prestegjeld. Prestegjeldet tilsvarte Flora kommune i utstrekking og vart delt i fire sokn; Kinn sokn, Bru sokn, Eikefjord sokn og Nordal sokn. Bremanger prestegjeld vart skilt ut frå Kinn i 1864.[5] Prestetenesta i Flora er no leia av prosten i Sunnfjord prosti, og ordninga med prestegjeld er utfasa.
Tidlegare Kinn kommune
endreKinn kommune vart skipa i 1838 og hadde same utstrekninga som Kinn prestegjeld. I 1861 vart Florø, med 846 innbyggjarar, skilt ut frå Kinn kommune som ladestad. Etter delinga budde det 6 531 personar i Kinn kommune. Fem år etter, i 1866, vart Bremanger utskilt frå Kinn som eigen kommune. Etter delinga budde det 1 852 personar i nye Bremanger kommune og 4679 att i Kinn kommune. I 1923 vart kommunen delt i tre og Bru og Eikefjord skipa som eigne kommunar. Eikefjord hadde ved opprettinga 929 innbyggjarar, og Bru hadde 1 560, medan det budde att 2 508 i Kinn kommune. I 1964 vart Bru, Eikefjord, Kinn og Florø slått saman til nye Flora kommune.[6]
Folketalsutvikling
endreFør delinga av kommunen i 1923 var Kinn den mest folkerike kommunen i Sogn og Fjordane. Ved delinga hadde den gamle kommunen til saman 4997 innbyggjarar.
Folketalsutvikling for tidlegare Kinn kommune frå 1923 til 1964:
| 1.1.1923[7] | 1.12.1930[8] | 3.12.1946[8] | 1.1.1951[9] | 1.1.1961[9] | 1.1.1964[7] |
|---|---|---|---|---|---|
| 2508 | 2546 | 2685 | 2784 | 3425 | 3567 |
Nye Kinn kommune
endreEin ny kommune med namnet Kinn kommune blei skipa frå 2020 gjennom samanslåing av Flora og Vågsøy kommune.
Kjelder
endre- ↑ Tekstar om Kinn på digitaltfortalt.no
- ↑ Kulturminneprosjekt på Kinn, arkivert frå originalen 8. september 2014, henta 8. september 2014
- ↑ Folketeljing 1801 for Kinn prestegjeld, frå Digitalarkivet
- ↑ Folketeljing 1900 for Kinn herred, frå Digitalarkivet
- ↑ «Kirkebøker, Sogn og Fjordane» på nettstaden til Arkivverket
- ↑ Jukvam, Dag: Historisk oversikt over endringer i kommune- og fylkesinndelingen. Statistisk sentralbyrå 1999. s.53-56
- ↑ 7,0 7,1 «Historisk oversikt over endringer i kommune- og fylkesinndelingen» av Dag Juvkvam for Statistisk sentralbyrå.
- ↑ 8,0 8,1 Statistisk årbok for Norge 69. årgang, 1950 (Statistisk sentralbyrå, 1950)
- ↑ 9,0 9,1 Folkemengd i Kinn 1. januar kvart år frå 1951, frå Statistisk sentralbyrå
Bakgrunnsstoff
endre- Arkiv frå Kinn kommune
- Fattigstyret Arkivert 2015-09-24 ved Wayback Machine.. Frå Arkivportalen.no
- Formannskapet. Arkivert 2015-09-24 ved Wayback Machine. Frå Arkivportalen.no
- Skulestyret Arkivert 2015-09-24 ved Wayback Machine.. Frå Arkivportalen.no
- Stavøy skule Arkivert 2015-09-24 ved Wayback Machine.. Frå Arkivportalen.no