Vega kommune

Vega er ein øykommune på Helgeland i Nordland fylke som grensar til kommunane Brønnøy, Vevelstad og Alstahaug. Dei 6 500 øyane, holmane og skjera i kommunen står på UNESCO si verdsarvliste.

Vega kommune
kommune
Kommunevåpen
Land	Noreg
Fylke	Nordland
Adm.senter	Gladstad
Areal	164,79 km²
•  land	162,65 km²
•  vatn	2,14 km²
Folketal	1 208  (1. januar 2024)
Målform	bokmål
Ordførar	Andre Møller (Ap)
Kommunenr.	1815
Vega kommune 65.675277777778°N 11.957777777778°E / 65.675277777778; 11.957777777778
Kart som viser Vega kommune. Kart som viser Vega kommune.
Wikimedia Commons: Vega, Nordland
Nettstad: www.vega.kommune.no

Sjå òg stjerna Vega

Geografi

I tillegg til hovudøya Vega har også øyane Ylvingen og Omnøy fastbuande. Andre øyer er Søla og Skogsholmen. På sørsida av øya Vega ruver dei om lag 700 meter høge Vegtindan, medan nordsida hovudsakleg er myrlandskap.

Historie

Dei eldste busettingane på Vega er datert til steinalderen, 10 000 år tilbake. Dette er den aller tidlegaste påviste busettinga i Nord-Noreg. Truleg var det dei fiskerike grunnvassområda rundt øya som gjorde at folk busette seg der.

Kultur

Kommunen er deltakar i Skulpturlandskap Nordland med skulpturen «En ny samtale» av den finske kunstnaren Kain Tapper.

Næringsliv

Dei viktigaste næringsområda i kommunen er jordbruk, fiske og lokal tenesteyting. Det finst òg ein del fiskeforedling i kommunen.

Bakgrunnsstoff

• Vega kommune sin nettstad
• Vega verdensarv Arkivert 2005-04-03 ved Wayback Machine.