Berge-regjeringa

Regjeringa Abraham Berge tiltredde 30. mai 1923 etter at statsminister Otto B. Halvorsen døydde i embetet. Som den avgåtte regjeringa, var også denne ei samarbeidsregjering mellom Høgre og Frisindede Venstre.

Statsrådpost	Statsråd	Periode	Parti
Statsminister og sjef for Finansdepartementet	Abraham Berge		FrV
Utanriksminister	Christian Fredrik Michelet		H
Justisdepartementet	Christian L. Rolfsen		H
Landbruksdepartementet	Anders Venger		H
Kyrkjedepartementet	Ivar B. Sælen	til 23. november 1923	H
	Karl Sanne	frå 23. november 1923	H
Forsvarsdepartementet	Karl Wefring		FrV
Sosialdepartementet	Odd S. Klingenberg		H
Handelsdepartementet	Johan Rye Holmboe		FrV
Arbeidsdepartementet	Cornelius Middelthon		H

Riksrett mot statsminister Berge si regjering

Abraham Berge og seks av statsrådane, blant desse Venger, vart i 1926 stilt for riksrett. Regjeringa Berge hadde i 1923 løyvd pengar for å støtte Den norske Handelsbank, utan å informere Stortinget.

Den 14. juli 1926 trefte Odelstinget følgande vedtak:

«Det skal reisast riksrettssøksmål mot statsminister h. v. Abraham Berge og statsrådene O. Klingenberg, C.F. Michelet, C. Middelthon, J. Rye Holmboe, A. Venger og K.W. Wefring for at dei

• 1. ved ei ordning, som dei fekk til eller var med på i tidi 25.-31. mai 1923, let A/S Den norske handelsbank få eit innskot stort 25 millionar krunor i statsvekslar, og at dei ved dette gjekk fram på ein måte, som ikkje er samhøveleg med riksskipnaden;
• 2. i statsråd hjå Kongen den 19. januar 1924 ikkje kom fram med upplysning um innskotet på 25 millionar krunor i A/S Den norske handelsbank og let Kongen vedtaka ei misvisande uppgave til Stortinget yver dei innskot staten hadde i innanlandske banker;
• 3. den gongen dei ved fyrehavingane i Stortinget 7. og 8. april 1924 fekk vedteke framlegget um statsgaranti for A/S Den norske handelsbank for upp til 15 millionar krunor, dulde for Stortinget, at banken tidlegare hadde fenge statsstudnad på 25 millionar krunor, som då framleis var ståande i banken.»

Berge og statsrådane vart 25. mars 1927 likevel frikjende (under dissens) ut frå at dei hadde handla i beste meining.

Domsslutninga vart:

• «De anklagede, tidligere statsminister Abraham Berge og de tidligere statsråder Odd Klingenberg, Christian Fredrik Michelet, Cornelius Middelthon, Johan Rye Holmboe, Anders Venger og Karl Wefring, bør for Odelstingets tiltale i saken fri at være.»

Kjelder

• Riksrettstidende 1926-27
• Frå Riksrettens praksis Arkivert 2007-10-06 ved Wayback Machine., bakgrunnen for og utdrag frå dei åtte riksrettssakene

• «Abraham Berges regjering 30. mai 1923 - 25. juli 1924». Regjeringa.no. Henta 9. oktober 2014. 
• Denne artikkelen bygger på «Abraham Berges regjering» frå Wikipedia på bokmål, den 1. oktober 2013.revisjon