Abraham Berge

Abraham Theodor Berge, (20. august 1851–10. juli 1936) var ein norsk politikar frå Lyngdal i noverande Vest-Agder fylke. Han var statsminister i Noreg frå 30. mai 1923 til 25. juli 1924. Berge representerte Frisindede Venstre og var ein av stiftarane av partiet. Tidlegare statsminister Otto Bahr Halvorsen døydde etter berre to månadar i statsministerstolen i si andre regjering. Regjeringa Halvorsen gjekk av 29. mai 1923. Berge gjekk inn for å fjerna alkoholforbodet, noko som gav den nye regjeringa problem. Stortingsfleirtalet kravde ny folkerøysting om alkoholforbod, og regjeringa fall.

Abraham Berge
Fødd	20. august 1851 Lyngdal
Død	10. juli 1936 Tønsberg
Parti	Venstre, Frisindede Venstre (1906–)
1. verv	Norsk statsminister
- periode	1923–1924
- regjering	Berge
- føregangar	Otto B. Halvorsen
- etterfylgjar	Johan Ludwig Mowinckel
2. verv	Norsk finansminister
- periode	1923–1924
- regjering	Halvorsen II, Berge
- etterfylgjar	Arnold Holmboe
3. verv	Norsk finansminister
- periode	1910–1912
- regjering	Konow
- etterfylgjar	Fredrik Ludvig Konow
4. verv	Norsk kyrkje- og undervisingsminister
- periode	1907–1908
- regjering	Løvland
- etterfylgjar	Karl Seip
5. verv	Norsk finansminister
- periode	1906–1907
- regjering	Michelsen
- etterfylgjar	Magnus Halvorsen
Wikimedia Commons: Abraham Berge

Riksrett

Abraham Berge og seks av statsrådane hans vart i 1926 utsett for riksrettstiltale. Regjeringa Berge hadde gjort løyvingar utan å informera Stortinget. Saka var frå 1923 og løyvingane var gjort for å stø opp om Handelsbanken. Berge og statsrådane vart frikjende. Eit mindretal røysta mot frikjenning. Vurderinga ved frikjenninga gjekk på at regjeringa hadde handla i beste meining.

Sjå òg

• Norske regjeringar
• Abraham Berge si regjering

Kjelder

• Dødsdato frå NBL-artikkel om Berge, skriven av Sven Carstens.
• Biografisk informasjon om Abraham Berge NSD Norsk senter for forskningsdatas politikararkiv